Instagram: इन्स्टाग्राम युजर्संना मोठा झटका! १६ वर्षांखालील मुलांसाठी 'मेटा'ने बदलले नियम |VIDEO

इन्स्टाग्रामवर (Instagram) असलेल्या १६ वर्षांखालील मुलांवर लाइव्ह करण्यास बंदी घालण्यात आलीय. मेटाने घेतलेल्या या निर्णयामुळे आता लहान मुलांना सुरक्षित ठेवण्यासाठी नवे नियम लागू झाले आहेत. काय आहेत नवे नियम? जाणून घ्या सविस्तर

इन्स्टाग्रामचा वापर करणांऱ्यांना झटका (Instagram New Rules)

१६ वर्षांखालील मुलांना पालकांची परवानगी नसल्यास इन्स्टाग्रामवर आता थेट लाइव्हस्ट्रीमिंग करता येणार नाही. तसेच नग्नतेशी संबंधित 'कंटेंट' त्यांना पालकांच्या परवानगीशिवाय पाहता किंवा पाठवताही येणार नाही.

फेसबुक, इन्स्टाग्रामची कंपनी असलेल्या 'मेटा'ने १८ वर्षांखालील वापरकर्त्यांची सुरक्षितता अधिक भक्कम करण्याच्या हेतूने हे बदल केलेत. सध्या अमेरिका, ब्रिटन, कॅनडा आणि ऑस्ट्रेलिया येथे हे बदल लागू करण्यात आले असून काही महिन्यांत ते जगभर अमलात येणार आहेत. याव्यतिरिक्त मेटाने सुरक्षेसंदर्भात काही उपाय केले आहेत. ते जाणून घ्या

• सोशल मीडिया अकाऊंट खासगी ठेवणे

• अनोळखी लोकांकडून येणारे संदेश ब्लॉक करणे

• हिंसक आणि संवेदनशील दृश्यं नियंत्रित करणे

• 60 मिनिटांनंतर अॅप बंद करण्याची आठवण करून देणे

• रात्रीच्या वेळी नोटीफिकेशन थांबवण्यासारखी पावलं उचलण्यात येणार आहेत.

लाइव्ह स्ट्रीमिंगमुळे (Live Streaming) लहान मुलांवरील सायबर गुन्ह्यांचा धोका वाढत असल्याचं अनेक तज्ज्ञांचं म्हणणंय. अज्ञात व्यक्तींकडून होणारे कमेंट्स किंवा अनुचित वर्तन यामुळे मुलांच्या मानसिक आरोग्यावर परिणाम होऊ शकतो. इन्स्टाग्रामचा हा निर्णय काहींसाठी कठोर वाटत असला, तरी मुलांच्या सुरक्षेसाठी तो महत्त्वाचा ठरू शकतो.