Income Tax Refund: आयकर रिफंड अजूनही जमा झालेला नाही? ही असू शकतात कारणे

आयटीआर फाइल करण्यासाठी शेवटचे काही दिवस उरले आहेत. तुम्ही १५ सप्टेंबर २०२५ पर्यंत आयटीआर फाइल करु शकतात. देशातील कोट्यवधी करदात्यांनी आयटीआर फाइल केले आहेत. यातील काही करदात्यांना रिफंड मिळाले आहेत. तर काही करदात्यांना अजून रिफंड आले नाही. परंतु तुम्हाला घाबरण्याची काही गरज नाही. लवकरच तुमच्या खात्यात रिफंडचे पैसे जमा होतील.

दरम्यान, रिफंड येण्यास उशिर होणे हे सामान्य आहे. अनेकांनी रिटर्न व्यवस्थित फाइल केले आहेत आणि वेळेवर वेरिफाय झाल्यानंतर ७ ते १५ दिवसांत तुम्हाला पैसे मिळतील. काहीवेळा तुम्हाला लगेच पैसे येतात. दरम्यान, रिफंड येण्यास उशिर का होतो यामागची कारणे जाणून घ्या.

रिफंड होण्यास उशिर का होतो?

चुकीचे बँक डिटेल्स

तुम्हाला आयटीआर फाइल करताना खाते क्रमांक, IFSC कोड याची माहिती द्यावी लागते. जर यात काही चुका असतील तर तुम्हाला पैसे रिफंडचे पैसे येण्यास उशिर होईल.

आयटीआर आणि फॉर्म 26AS/AIS मधील तफावत

आयकर विभाग सर्व करदात्यांना 26AS/AIS फॉर्म देते. यामध्ये सर्व माहिती असते. जर तुम्ही आयकर भरताना काही माहिती सांगितली नसेल किंवा टीडीएस क्रेडिटची चुकीची माहिती दिली तर रिफंड येण्यास उशिर होईल.

आयटीआर व्हेरिफिकेशन होणार नाही

आयटीआर फाइल केल्यानंतर ते वेरिफाय होणेदेखील गरजेचे आहे. तुम्ही ई-व्हेरिफिकेशन केल्याशिवाय रिटर्न प्रोसेस होणार नाही त्यामुळे रिफंड मिळणार नाही.

विभागीय चौकशी

काही प्रकरणांमध्ये आयकर विभागाला संशय आला की, रिटर्नमध्ये मोठी रक्कम दावा करण्यात आली आहे किंवा त्यामध्ये काही तफावत असू शकते. तर रिटर्न चौकशीसाठी पाठवले जाईल. यामुळे रिफंड येण्यास उशिर होईल.

थकबाकी

जर तुमच्याकडे पूर्वीचे कर थकबाकी असेल तर नवीन परतावा त्या बदल्याक अॅडजस्ट केला जाऊ शकतो. या परिस्थिती विभाग त्यांना नोटीस पाठवतो. त्यामुळे रिफंड येण्यास उशिर होईल.