ITR Filling Update: ३१ डिसेंबरपर्यंत फाइल करा ITR; नाहीतर भरावा लागेल १०,००० रुपये दंड

इनकम टॅक्स रिटर्नबाबत मोठी बातमी समोर आली आहे. जर तुम्ही 2023-24 या आर्थिक वर्षासाठी इन्कम टॅक्स रिटर्न म्हणजेच आयटीआर भरायला विसरला असाल तर टेन्शन घेण्याची काहीच गरज नाही. कारण प्राप्तिकर विभागाने तुम्हाला 31 डिसेंबर 2024 पर्यंत विलंब शुल्कासह आयटीआर दाखल करण्याची सुविधा उपलब्ध करून दिली आहे. विलंब शुल्क भरण्याचा नियम हा तुमच्या उत्पन्नानुसार लागू होतो.

जर तुम्ही विहित मुदतीपर्यंत म्हणजेच 31 जुलै 2024 पर्यंत आयटीआर दाखल करू शकला नसाल तर तुम्ही याला विलंबित रिटर्न म्हणजे बिलेटेड आयटीआरअंतर्गत फाइल करू शकता. यासाठी तुम्हाला आयकर कायद्याच्या कलम 234F अंतर्गत विलंब शुल्क भरावे लागेल.वार्षिक उत्पन्न 5 लाखांपर्यंत असणाऱ्यांना 1000 रुपये विलंब शुल्क आकारले जाईल.

तर वार्षिक उत्पन्न 5 लाखांपेक्षा जास्त असणाऱ्यांना 5000 रुपये विलंब शुल्क भरावे लागेल. 31 डिसेंबर 2024 पर्यंत तुम्ही आयटीआर दाखल न केल्यास तुम्हाला 10,000 रुपयांपर्यंत दंड भरावा लागू शकतो. तसेच आयकर विभागाकडून इतर कायदेशीर कारवाई देखील केली जाऊ शकते. त्यामुळे तुम्ही मुदत संपण्यापूर्वी आयटीआर फाइल करा.

रिटर्न न भरल्याबद्दल तुम्हाला आयकर विभागाकडून नोटीस मिळू शकते. आयटीआर न भरल्याने तुमचा क्रेडिट स्कोअरवर परिणाम होऊ शकतो, ज्यामुळे कर्ज मिळणे कठीण होऊ शकते. आयटीआर न केल्यास व्हिसा प्रक्रिया, बँकिंग आणि इतर आर्थिक व्यवहारांमध्ये समस्या येऊ शकतात.

उशीरा आयटीआर दाखल केल्याचा फायदा घेऊन तुम्ही दंड टाळू शकता. यासाठी तुम्ही पॅनकार्ड, आधार कार्ड, बँक स्टेटमेंट आणि फॉर्म १६ इत्यादी आवश्यक कागदपत्रे तयार ठेवावीत. तसंच, शेवटच्या तारखेपर्यंत आयटीआर फाइलिंग पुढे ढकलू नका. वेळेवर दाखल केल्याने केवळ दंड टाळता येणार नाही, तर तुम्हाला मनःशांतीही मिळेल. तुम्ही ऑनलाइन पोर्टलद्वारे सहजपणे आयटीआर दाखल करू शकता. त्यामुळे तुम्ही आयटीआर 31 डिसेंबर 2024 पूर्वी फाइल करा आणि दंड टाळा.