EPFO सदस्यांना आता डिजीलॉकर अॅपद्वारे थेट PF बॅलन्स आणि पासबुक पाहता येणार आहे
UAN कार्ड, PPO आणि योजना प्रमाणपत्रे डिजीलॉकरवर सहज मिळणार
PF बॅलन्स तपासण्यासाठी SMS आणि मिस्ड कॉलचीही सुविधा उपलब्ध आहे
त्यासाठी EPFO खातं आधार आणि मोबाईलशी लिंक असणं आवश्यक आहे
कर्मचारी भविष्य निर्वाह निधी संघटना म्हणजेच EPFO सर्व सरकारी आणि खाजगी क्षेत्रातील कर्मचाऱ्यांसाठी सामाजिक सुरक्षा योजना चालवते. या योजनेद्वारे कर्मचारी आणि नियोक्ते संयुक्तपणे भविष्य निर्वाह निधी खात्यात पैसे जमा करतात. EPFO या निधीचे व्यवस्थापन करते, ज्यावर व्याज मिळते आणि निवृत्तीनंतर आर्थिक सुरक्षा प्रदान करण्यासाठी एकरकमी रक्कम दिली जाते. कर्मचाऱ्यांना मासिक पेन्शन देखील मिळते.
EPFO सदस्य आता अँड्रॉइड स्मार्टफोनवरील DigiLocker अॅपद्वारे त्यांचे PF मधील किती पैसे शिल्लक आहेत ते तपासू शकतात. तसेच संबंधित माहिती मिळवू शकतात. वापरकर्ते DigiLocker द्वारे UAN कार्ड, PPO आणि योजना प्रमाणपत्रे यासारखे महत्त्वाची EPFO कागदपत्रे डिजिलॉकरला अॅक्सेस करू शकतात.
सर्वप्रथम तुम्हाला प्ले स्टोअरवरून तुमच्या फोनमध्ये डिजीलॉकर अॅप डाउनलोड करावे लागेल.
तुमच्या फोनमध्ये अॅप इन्स्टॉल केल्यानंतर, तुम्हाला डिजीलॉकर अॅपवर जावे लागेल.
त्यानंतर तुम्हाला ईपीएफ बॅलन्स तपासण्यासाठी प्रथम लॉगिन करावे लागेल किंवा नवीन खाते तयार करावे लागेल.
त्यानंतर तुम्हाला आधार कार्डद्वारे EPFO लिंक करावे लागेल आणि तुमचे EPFO खाते सिंक करावे लागेल.
एकदा हे पूर्ण झाल्यावर, तुम्हाला EPFO विभागात जावे लागेल आणि कागदपत्रे पाहण्यासाठी तुमचे पासबुक, UAN कार्ड आणि PPO वापरावे लागेल.
आता तुम्ही तुमचा पीएफ बॅलन्स थेट अॅपमध्ये तपासू शकता आणि व्यवहार देखील पाहू शकता.
याशिवाय तुम्ही तुमचा पीएफ बॅलन्स देखील तपासू शकता. सर्वप्रथम तुम्हाला तुमचा फोन नंबर तुमच्या यूएएनमध्ये नोंदणीकृत आहे याची खात्री करावी लागेल. त्यानंतर तुम्हाला ७७३८२९९८९९ वर EPFOHO UAN फॉरमॅटमध्ये एसएमएस पाठवावा लागेल. त्यानंतर तुम्हाला एक एसएमएस येईल, ज्यामध्ये पीएफ बॅलन्स आणि इतर तपशील असतील.
याशिवाय आता तुम्ही मिस कॉलद्वारे तुमचे पीएफ बॅलन्स देखील तपासू शकतात. या सुविधेचा लाभ घेण्यासाठी, मोबाईल नंबर यूएएन, आधार, पॅन आणि बँक खात्याशी लिंक केलेला असावा. जर तुम्ही ९९६६०४४४२५ वर मिस्ड कॉल दिला तर त्यानंतर लगेचच तुम्हाला पीएफ तपशीलांसह एक एसएमएस मिळेल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.