Dhanlakshmi Yojana: मुलींच्या शिक्षणासाठी सरकार करतंय १ लाख रुपयांची मदत;काय आहे धनलक्ष्मी योजना?

सरकार नेहमीच नागरिकांच्या हितासाठी वेगवेगळ्या योजना राबवतात. सरकारने मुलींसाठीही अनेक योजना राबवल्या आहेत. मुलींना शिक्षण मिळावे, यासाठी या योजना राबवल्या जातात. मुलींच्या शिक्षणासाठी सरकारची अशीच एक योजना म्हणजे धनलक्ष्मी योजना. (Dhanlaksmi Yojana)

धनलक्ष्मी योजना ही केंद्र सरकारने सुरु केली होती. मात्र, काही कारणात्सव ही योजना बंद करण्यात आली आहे. मात्र, छत्तीसगड सरकारने ही योजना सुरु केली आहे. या योजनेअंतर्गत मुली १८ वर्षाच्या झाल्यानंतर त्यांना १ लाख रुपयांची मदत केली जाते. हे पैसे मुली आपल्या शिक्षणासाठी खर्च करु शकतात. मुलींना स्वावलंबी आणि स्वतः च्या पायावर उभं राहण्यासाठी ही योजना राबण्यात आली आहे.

सरकारच्या या योजनेत मुलींच्या नावाने नोंदणी करणे बंधनकारक आहे. नोंदणी केल्यानंतर मुलींना योजनेअंतर्गत ५००० रुपयांची मदत मिळते. तसेच लसीणकरणासाठी १२५० रुपये दिले जातात. प्राथमिक शिक्षणासाठी ३५०० रुपये दिले जातात. ८वी पर्यंत ३७५० रुपये जातात. याशिवाय १८ वर्षानंतर १ लाख रुपयांची मदत केली जाते.

पात्रता

या योजनेसाठी अर्ज करणारी मुलगी ही छत्तीसगडची रहिवासी असणे गरजेचे आहे.योजनेसाठी मुलीचे जन्म प्रमाणपत्र, पालकांचे रहिवासी प्रमाणपत्र असणे गरजेचे आहे. जिल्हा कार्यालयात जाऊन तुम्ही या योजनेसाठी अर्ज करु शकतात.