PM Kisan Yojana 24th Installment: शेतकऱ्यांसाठी आनंदाची बातमी समोर आली आहे. केंद्र सरकारच्या पीएम किसान सन्मान निधीचा लाभ बरेच लाभार्थी शेतकरी घेत आहेत. आतापर्यंत शेतकऱ्यांच्या खात्यात २३ हप्ते जमा झाले आहेत. आता २४ वा हप्ता कधी जमा होणार याची शेतकरी वाट पाहत आहेत. या योजनेअंतर्गत ६ हजार रुपयांचा निधी तीन समान हप्त्यांमध्ये दिला जातो. दर चार महिन्यांनी २ हजार रुपयांचा हप्ता शेतकऱ्यांच्या खात्यात पाठवला जातो. दरम्यान, काही शेतकऱ्यांच्या खात्यात यावेळी ४ हजार रुपये जमा होण्याची शक्यता व्यक्त केली जात आहे. पण याबाबत अधिकृत घोषणा केलेली नाही.
ज्या लाभार्थी शेतकऱ्यांना तांत्रिक अडचणींमुळे योजनेचा २३ वा हप्ता मिळाला नव्हता, त्यांना रखडलेली रक्कम आणि २४ व्या हप्त्याचे पैसे एकत्र मिळू शकतात. अशा परिस्थीतीत पात्र शेतकऱ्यांच्या खात्यात ४ हजार रुपये जमा होण्याची शक्यता आहे.
पण प्रत्येक शेतकऱ्याला ४ हजार रुपये मिळतीलच असं नाही. मागचा हप्ता रखडलेला असल्याचं कारण, लाभार्थी पात्रता आणि संबंधित नोंदी यावर पैसे मिळणं अवलंबून असेल.
पीएम किसान योजनेचा लाभ सुरू ठेवण्यासाठी शेतकऱ्यांनी ई-केवायसी पूर्ण करणे गरजेचे आहे. तसेच बँक खात्याची माहिती, आधारशी संबंधित तपशील आणि इतर आवश्यक नोंदी तपासून घ्याव्यात. खात्यात काही त्रुटी असल्यास त्या वेळेत दुरुस्त कराव्यात, जेणेकरून हप्ता जमा होण्यात अडचण येणार नाही.
१. सर्वप्रथम [पीएम किसान योजनेच्या अधिकृत वेबसाइटला](https://pmkisan.gov.in/) भेट द्या.
२. होमपेजवरील ‘Know Your Status’ हा ऑप्शन निवडा.
३. आवश्यकतेनुसार नोंदणी क्रमांक आणि स्क्रीनवर दिलेला सुरक्षा कोड भरा.
४. मागितल्या असेल तर रजिस्टर मोबाइलनंबर वर आलेला ओटीपी टाकून पुढील प्रक्रिया पूर्ण करा.
५. त्यानंतर हप्त्याची स्थिती, पेमेंटची माहिती आणि अर्जाशी संबंधित तपशील तपासा.
पीएम किसान योजनेच्या २४ व्या हप्त्याची अधिकृत तारीख अद्याप जाहीर झालेली नसल्याचे दिलेल्या माहितीत नमूद आहे. २० ऑक्टोबर किंवा त्यानंतर हप्ता जमा होण्याची शक्यता व्यक्त केली जात असली, तरी ही अधिकृत तारीख नाही. त्यामुळे शेतकऱ्यांनी केंद्र सरकारच्या अधिकृत घोषणेवर आणि पीएम किसान पोर्टलवरील माहितीकडे लक्ष द्यावे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.