Gold Rate Today: सोन्याच्या दरात मोठी घसरण, 10 तोळा 14200 रुपयांनी स्वस्त; 18K- 22K आणि 24K चे आजचे दर किती?

• आठवड्याच्या पहिल्याच दिवशी सोन्याच्या दरात मोठी घसरण

• २४ कॅरेट सोन्याच्या दरात १० तोळ्यांमागे १४,२०० रुपयांची घसरण

• २२ कॅरेट आणि १८ कॅरेट सोन्याच्या दरातही मोठी घट

• आज सोनं खरेदी करण्याची सुवर्णसंधी

सोनं खरेदी करणाऱ्यांसाठी आनंदाची बातमी आहे. आठवड्याच्या पहिल्याच दिवशी सोन्याच्या दरात मोठा बदल झाला आहे. सोन्याच्या दरात घसरण झाली असून आज सोनं खरेदीची सुवर्णसंधी आहे. २४ कॅरेटच्या १ तोळा सोन्याच्या दरामध्ये १४२० रुपयांची घसरण झाली आहे. २४ कॅरेटसोबत आज २२ आणि १८ कॅरेटच्या सोन्याच्या दरात देखील मोठी घसरण झाली आहे. आज सोनं स्वस्त झालं पण चांदीच्या दरात काहीच बदल झाला नाही. जर आज तुम्ही सोनं खरेदी करण्यासाठी जाणार असाल तर आजचे २४,२२ आणि १८ कॅरेट सोन्याचे दर किती ते जाणून घ्या...

गुड रिटर्न्सने दिलेल्या माहितीनुसार, आज २४ कॅरेटच्या १ तोळा सोन्याच्या दरामध्ये तब्बल १४२० रुपयांची घसरण झाली. हे सोनं खरेदी करण्यासाठी ग्राहकांना १,४२,९१० रुपये खर्च करावे लागणार आहेत. तर २४ कॅरेटच्या १० तोळा सोन्याच्या दरामध्ये १४,२०० रुपयांची घसरण झाली आहे. हे सोनं खरेदीसाठी आज तुम्हाला १४,२९,१०० रुपये खर्च करावे लागणार आहे. जर सोन्यात तुम्हाला गुंतवणूक करायची असेल तर आज चांगली संधी आहे.

सोन्याचे दागिने हे २२ कॅरेटमध्ये बनवले जातात. त्यामुळे हे सोनं खरेदीवर ग्राहकांचा भर असतो. आज तुम्ही सोन्याचे दागिने देखील कमी दरात बनवू शकता. आज २२ कॅरेटच्या सोन्याच्या दरात देखील मोठी घसरण झाली. २२ कॅरेटच्या १ तोळा सोन्याच्या दरामध्ये १३०० रुपयांची घसरण झाली. हे सोनं खरेदीसाठी तुम्हाला १,३१,००० रुपये खर्च करावे लागतील. तर २२ कॅरेटच्या १० तोळा सोन्याच्या दरामध्ये १३००० रुपयांची घसरण झाली आहे. हे सोनं खरेदीसाठी तुम्हाला १३,१०,००० रुपये मोजावे लागतील.

तर, २४ आणि २२ कॅरेट सोन्यापाठोपाठ आज १८ कॅरेटचं सोन्याच्या दरात देखील मोठी घसरण झाली आहे. १८ कॅरेटचे १ तोळा सोनं १०७० रुपयांनी स्वस्त झालं आहे. हे सोनं खरेदीसाठी तुम्हाला १,०७,१८० रुपये मोजावे लागतील. तर १८ कॅरेटच्या १० तोळा सोन्याच्या दरामध्ये १०७०० रुपयांची घसरण झाली आहे. हे सोनं खरेदीसाठी तुम्हाला १०,७१,७०० रुपये खर्च कारवे लागतील. आज सोन्याच्या दरात बदल झाला पण चांदीचे दर स्थिर आहेत. आज १ किलो चांदी २,३५,००० रुपयांना विकली जात आहे.