Gold Rate: सोनं झालं स्वस्त, तब्बल १२ हजारांनी भाव कोसळला; चांदीही ३५ हजारांनी घसरली, महिनाभरात नेमकं काय घडलं?

सध्या लग्न सराईचे दिवस सुरु आहेत. या दिवसात सोनं-चांदीचा खप सगळ्यात जास्त होत असतो. पण महिनाभरात यामध्ये बरेच चढ-उतार पाहायला मिळाले आहे. मार्च महिन्याच्या सुरुवातीला सोने-चांदीचे जर गगनाला भिडताना पाहायला पाहायला मिळाले होते. आता परिस्थिती थोडी बदलली आहे. कारण गेल्या काही दिवसात सोनं-चांदीचे दर कमी होताना पाहायला मिळाले आहे. ही सर्वसामान्यांसाठी अत्यंत महत्वाची आणि खिशाला परवडणारी बातमी आहे.

लग्नाच्या धामधुमीत सोनं-चांदी खरेदी करण्यासाठी सर्वसामान्य व्यक्तीही उत्साहात पाहायला मिळत आहेत. पुढील माहितीत आपण महिनाभरात सोनं आणि चांदीच्या किंमतीत काय बदल झाले याबद्दल जाणून घेणार आहोत.

सोन्याच्या किंमतीत किती घसरण झाली?

सोने-चांदीच्या मार्च महिन्याच्या किंमतीत घसरण होताना पाहायला मिळाली आहे. त्यामुळे सराफा बाजारात पुन्हा एकदा गुंतवणूकदरांचे लक्ष या मौल्यवान धातूंवर केंद्रित झाले आहे. कारण ४ मार्च रोजी २४ कॅरेट सोन्याचा दर हा सुमारे ₹1.62 लाख प्रति 10 ग्रॅम होता. हाच दर आता घसरून ₹1.50 लाखांच्या आसपास आला आहे. म्हणजेच सोन्याच्या दरात सुमारे ₹12 हजारांची घट झाली आहे.

चांदीच्या किंमतीत किती घसरण झाली?

चांदीही लग्नसराईत जास्त खरेदी केली जाते. चांदीचा दर हे ४ मार्चला ₹2.70 लाख प्रति किलो होता. आता यात काही प्रमाणात बदल झाला आहे. आता तो दर ₹2.35 लाखांपर्यंत खाली आला आहे. म्हणजेच चांदीत तब्बल ₹35 हजारांची घसरण झालेली आहे. ही सर्वसामान्यांसाठी आनंदाची बातमी आहे.

सोनं- चांदीच्या किंमतीत का झाली घसरण?

तज्ज्ञांच्या मते, यामागील मुख्य कारण असं आहे की, मिडल ईस्टमधील वाढता तणाव आणि अमेरिका-इराणमधील भविष्यातील परिणामाबद्दल निश्चितता. दुसरं कारण म्हणजे बाजारातील अस्थिरता वाढल्यामुळे गुंतवणूकदारांनी नफा वसुली (Profit Booking) सुरू केली. तिसरं कारण म्हणजे जागतिक स्तरावर अमेरिकन डॉलर मजबूत झाल्याने सोने-चांदीवर दबाव आला. मात्र सोने-चांदी खरेदी करणाऱ्यांसाठी ही योग्य वेळ आहे. पण बाजार अजूनही जागतिक घडामोडींवर अवलंबून असल्याने सावधगिरी बाळगणं आवश्यक आहे.