Gold Rate : प्रति तोळा ७ हजारांनी सोनं झालं स्वस्त, चार दिवसात मार्केटमध्ये घसरण, वाचा नवे दर काय?

Gold Price Today Down – Check 24K & 22K Rate : ऐतिहासिक झेप घेतलेल्या सोन्याचा दर गेल्या आठवड्यात घसरल्याचे पाहायला मिळाले. चार दिवसात सोन्याची किंमत प्रति तोळा ७ हजार रूपयांनी स्वस्त झालेय. आंतरराष्ट्रीय बाजार, मस्टी कमोडिटी एक्सजेंच आणि देशांतर्गत मार्केटमध्येही सोन्याची किंमत कमी झाली आहे. आठवड्याच्या पहिल्या दिवशी २४ कॅरेट सोन्याची किंमत प्रति तोळा एक लाख ३० हजार रूपयांपर्यंत पोहचली होती. पण आठवड्याच्या शेवटच्या दिवशी सोनं एक लाख २३ हजार रूपये प्रति तोळ्यावर आले आहे.

एमसीएक्सवर किती स्वस्त झालं सोनं?

मल्टी कमोडिटी एक्सचेंज म्हणजेच, MCX वर सोन्याच्या किंमतीमध्येही घसरण झाली आहे. सोमवारी 999 शुद्धताचे सोने प्रति तोळा 1,30,624 रुपये इतके होते. त्यानंतर अचानक सोन्याच्या किंमतीत घसरण आली. शुक्रवारपर्यंत सोन्याची किंमत 1,23,255 रुपये प्रति तोळा झाले. एमसीएक्सवर सोनं पाच दिवसात 7,369 रुपयांनी प्रति तोळा स्वस्त झाले.

देशांतर्गत मार्केटमध्ये किती स्वस्त झाले सोनं?

फक्त MCX वरच नव्हे तर देशांतर्गत मार्केटमध्येही सोन्याच्या दरात मोठी घसरण झाली आहे. इंडियन बुलियन ज्वेलर्स असोसिएशनचे संकेतस्थळ IBJA.Com नुसार, सोन्याच्या किंमतीत आठवडाभरात घसरण झाली आहे. सोमवारी सराफा बाजार सुरू झाला, त्यावेळी २४ कॅरेट सोन्याची किंमत 1,27,633 रुपये प्रति 10 ग्राम इतकी होती. दुसऱ्या दिवळी सराफा बाजार बंद होता. पण ज्यावेळी बुधवारी सुवर्णबाजार सुरू झाला त्यावेळी मोठी घसरण पाहायला मिळाली. शुक्रवारी सोन्याची किमत घसरून 1,21,518 रुपयांवर आली आहे. गेल्या आठवड्यात २४ कॅरेट सोनं प्रति तोळा 6,115 रुपयांनी स्वस्त झाले.

१८,२२ आणि २४ कॅरेटच्या सोन्यामध्ये गेल्या आठवड्यात अचानक घसरण पाहायला मिळाली आहे. पुढील आठवड्यातही सोन्याच्या दरात घसरण होण्याची शक्यता असल्याचे अनेक तज्ज्ञांनी व्यक्त केलेय.दरम्यान, देशभरात प्रत्येक शहरात सोन्याचे दर एकसारखे आहेत. पण ३% जीएसटी आणि मेकिंग चार्जमुळे प्रत्येक शहरात सोन्याची किंमत कमी जास्त होते. शहरानुसार मेकिंग चार्जेस वेगवेगळे असतात, त्यामुळे किंमतीमध्येही फरक जाणवतो.