Rain Update : महाराष्ट्रावर अवकाळीचं सावट, ५ दिवस या जिल्ह्यांना अलर्ट, पाहा कुठे कुठे धो धो कोसळणार

अरबी समुद्रात तीव्र कमी दाबाचं क्षेत्र निर्माण झालं आहे. त्यामुळे कोकण किनारपट्टीवर आज पाऊस बरसण्याचा अंदाज वर्तवण्यात आलाय. संपूर्ण महाराष्ट्रात पावसाचा अंदाज आहे. उत्तर विदर्भ वगळता 28 ऑक्टोबरपर्यंत गडगडाटासह पाऊस कोसळण्याचा अंदाज वर्तवण्यात आला आहे. मध्य महाराष्ट्र आणि कोकणातही मध्यम पावसाची शक्यता आहे.

अरबी समुद्रात वादळसदृश वातावरण

अरबी समुद्रात वादळसदृश वातावरण तयार झाले असून ताशी ४० ते ५० किमी वेगाने वारे वाहणार असल्याने मच्छिमारांनी समुद्रात जावू नये असा इशारा हवामान विभागाने दिला आहे. या इशाऱ्यानंतर शेकडो नौका आश्रयासाठी सुरक्षीत असलेल्या देवगड बंदरात दाखल झाल्या आहेत. यामध्ये स्थानिक नौकांबरोबरच गुजरात, रत्नागिरी, मालवण, वेंगुर्ला येथील नौकांचा समावेश आहे. दोन दिवस वादळसदृश वातावरण असल्याने खोल समुद्रातील मासेमारीला ब्रेक लागला आहे.