Gold Rate Today: अक्षय्य तृतीयेच्या एक दिवस आधी सोनं महागलं; खरेदी करण्यापूर्वी जाणून घ्या आजचे दर

Gold Rate on Akshaya Tritiya: उद्या अक्षय्य तृतीया आहे. सोनं खरेदी करण्यासाठी उद्याचा दिवस शुभ मानला जातो. गेल्या काही दिवसांपासून सोन्याच्या किमतीत घसरण होत होती. मात्र अक्षय्य तृतीयेच्या एक दिवस पूर्वी सोन्याचे भाव गगनाला भिडले आहेत. ३० एप्रिल रोजी संपूर्ण देशात अक्षय्य तृतीया साजरी केली जाणारे.

२२ एप्रिल रोजी सोन्याच्या किमती १,००,००० रुपयांच्या वर पोहोचल्या होत्या. तर आज मंगळवार २९ एप्रिल रोजी सोन्याचा भाव कालच्या तुलनेत ४०० रुपयांनी महाग झाला आहे. मनी कंट्रोल वेबसाईटच्या माहितीनुसार, २२ कॅरेट सोन्याची किंमत ८९,८०० रुपये आणि २४ कॅरेट १० ग्रॅम सोन्याची किंमत ९७,९०० रुपये आहे. चांदीचा भाव १ लाख रुपयांच्या वर आहे.

काय आहे चांदीचा भाव?

२९ एप्रिल २०२५ रोजी म्हणजे आज चांदीचा भाव १,००,५०० रुपये प्रति किलो आहे. कालच्या तुलनेत आज चांदी ४०० रुपयांनी स्वस्त झाली आहे. प्रमुख शहरांमध्ये काय आहे सोन्याचा भाव पाहूयात.

दिल्ली-मुंबईत सोनं चांदीचा भाव

आजच्या दिवशी दिल्लीत २२ कॅरेट सोन्याचा भाव ८९,९५० रुपये आणि २४ कॅरेट सोन्याचा भाव ९७,९७० रुपये प्रति १० ग्रॅम आहे. तर मुंबईमध्ये २२ कॅरेट सोन्याचा भाव ८९,८०० रुपये आणि २४ कॅरेट सोन्याचा भाव ९७,९७० रुपये प्रति १० ग्रॅम आहे. सोमवारच्या तुलनेत सोनं महागल्यामुळे उद्याची परिस्थिती कशी असेल यामुळे ग्राहक चिंतेत आहेत.

२२ कॅरेट सोन्याचा दर

• दिल्ली-८९,९५०

• चेन्नई-८९,८००

• मुंबई-८९,८००

• कोलकाता-८९,८००

• जयपूर-८९,९५०

• नोएडा-८९,९५०

२४ कॅरेट सोन्याचा दर

• दिल्ली-९८,१२०

• चेन्नई-९७,९७०

• मुंबई-९७,९७०

• कोलकाता-९७,९७०

• जयपूर-९८,१२०

• नोएडा-९८,१२०