Gold Rate: चांदीला आज चकाकी, सोन्याच्या दरात वाढ झाली की घसरण? जाणून घ्या आजचे दर

सराफा बाजारात गेल्या काही दिवसांपासून सोनं आणि चांदीच्या दरात चढ-उतार सुरू आहेत. मात्र गुरुवारी, ५ जून रोजी दोन्ही मौल्यवान धातूंच्या किमतीत थोडी वाढ झाली आहे. विशेषतः, २४ कॅरेट आणि २२ कॅरेट सोन्याचा दर फक्त १० रुपयांनी वाढलेला दिसून येत आहे. देशातील मोठ्या शहरांमध्ये २२ कॅरेट १० ग्रॅम सोन्याचा भाव ९९,९०० रूपये आहे. आजचा सोने - चांदीचा भाव किती आहे, जाणून घेऊयात.

गुरूवारी ५ जून रोजी सोन्याच्या किमतीत थोडीशी वाढ झाली आहे. दिल्लीत कालच्या तुलनेत २२ आणि २४ कॅरेट सोन्याच्या किमतीत सर्वाधिक वाढ झाली असल्याचं दिसून आलं आहे. आज दिल्लीत २२ कॅरेट सोन्याचा भाव ९१,०६० रूपये आणि २४ कॅरेट सोन्याचा भाव ९९,३३० प्रति १० ग्रॅम आहे. मुंबईत २२ कॅरेट सोन्याचा दर ९०,९१० रूपये इतका आहे, तर २४ कॅरेट सोन्याचा भाव ९९,१८० प्रति ग्रॅम आहे.

आजचा चांदीचा दर

चांदीच्या दरात सातत्याने वाढ होत असल्याचं चित्र आहे. गुरूवार ५ जून रोजी चांदीचा भाव १,०२,१०० रूपये प्रति किलो आहे. आज चांदीचा भाव कालच्या तुलनेत १०० रूपयांनी वाढला आहे. ४ जून रोजी एक किलो चांदीचा दर १,०२,००० रूपये होता.

सोन्याची किंमत कशी ठरवली जाते?

२४ कॅरेट सोनं हे शुद्ध असते. तर, २२ कॅरेट सोन्याचा वापर सोन्याचे दागिने करण्यासाठी वापरण्यात येते. भारतातील सोन्याच्या किमती आतंरराष्ट्रीय बाजारातील किमती, सरकारकडून लादलेले कर, रूपयाच्या मूल्यातील बदल यांसारख्या अनेक घटकांवर अवलंबून असते. सोने ही केवळ गुंतवणूक नाही तर, ती आपली परंपरा आणि सणांचा एक भाग आहे. विशेषत: लग्न आणि सणांच्या वेळी सोन्याच्या दागिन्यांची मागणी वाढते.