EPFO Withdrawal Rule: रिटायरमेंटआधी कोणत्या कारणांसाठी काढू शकतात PFचे पैसे; वाचा EPFO चे नियम

प्रत्येक कर्मचाऱ्याचे पीएफ अकाउंट असते. कर्मचाऱ्याच्या पगारातील ठरावीक रक्कम दर महिन्याला पीएफ खात्यात जमा केली जाते. दरम्यान, पीएफमधील रक्कम ही एक गुंतवणूक असते. पीएफ खात्यात कर्मचारी आणि नियोक्ता दोघेही १२ टक्के योगदान करतात. दरम्यान, ईपीएफओवर चांगले व्याजदर दिले जाते. हे पैसे सेवानिवृत्तीनंतर मिळतात. परंतु तुम्ही त्याआधीही हे पैसे काढू शकतात.

तुम्ही काही परिस्थितींमध्ये सेवानिवृत्तीआधीही पीएफमधील पैसे काढू शकतात. ईपीएफ अॅडव्हान्स काढण्यासाठी काही नियम आहेत. त्याचे पालन करुनच तुम्ही पैसे काढू शकतात.

कोणत्या कारणासाठी काढू शकतात पीएफचे पैसे (EPFO PF Withdrawal Reasons)

मेडिकल एमरजन्सीसाठी काढू शकणार पैसे

तुम्ही एखाद्या मेडिकल इमरजन्सीसाठी पैसे काढू शकतात. कोणताही ईपीएफओ सदस्य पैसे काञू शकतात. यामध्येही काही वर्षे काम केले असल्याची अट निश्चित करण्यात आली आहे. यामध्ये कर्मचारी, त्यांचा जोडीदार, मुले आणि आई वडिलांच्या उपचारासाठी पैसे काढू शकतात.

मुलांच्या शिक्षणासाठी

मुलांच्या शिक्षणासाठीही तुम्ही पीएफमधून पैसे काढू शकतात. यासाठी १०वीपर्यंतचे शिक्षण झाल्यानंतर पैसे काढू शकतात. यामध्ये कर्मचाऱ्यांच्या त्यांच्या जमा रक्कमेच्या आधारावर व्याज दिले जातात.

लग्नासाठीही काढू शकतात पैसे

ईपीएफओ सदस्य स्वतः चे लग्न, मुलांचे किंवा भाऊ-बहिणीच्या लग्नासाठी पैसे काढू शकतात. यामध्ये कर्मचाऱ्यांनी गुंतवलेली रक्कम आणि त्यावर मिळालेले ५० टक्के व्याज काढू शकतात.

घर खरेदी किंवा बांधकामासाठी

तुम्ही जर स्वतः चे घर घेण्याचा विचार करत असाल किंवा घराचे बांधकाम करायचे असेल तर हे पैसे काढू शकतात.यामुळे तुम्हाला आर्थिक मदत होईल.

रिटायरमेंट

तुम्ही रिटायरमेंटनंतर पीएफ खात्यातील सर्व पैसे काढू शकतात. याचसोबत तुम्ही ५४ वर्षानंतरही पैसे काढू शकतात.

बेरोजगार

जर कर्मचारी बेरोजगार असेल तर त्याला पीएफचे पैसे काढता येतात. जर कर्मचारी दोन महिन्यांसाठी बेरोजगार असेल तर तो पीएफ खात्यातील संपूर्ण रक्कम काढू शकतात.