EPFO News : नोकरी सोडली किंवा गेली तर पीएफ खात्यात व्याज जमा होतो का? ईपीएफओने स्पष्टच सांगितले

कर्मचारी भविष्य निर्वाह निधी संघटना (EPFO) नेहमीच खाजगी क्षेत्रातील कर्मचाऱ्यांसाठी फायदेशीर ठरते. मात्र खासगी क्षेत्रात काम करताना कर्मचाऱ्यांना नेहमी भीती असते ती म्हणजे, नोकरी सोडल्यानंतर किंवा नोकरीवरून काढून टाकल्यावर देखील त्यांच्या पीएफ खात्यात व्याज जमा होईल का? हा प्रश्न कायम कर्मचाऱ्यांना पडतो या प्रश्नाचं कर्मचारी भविष्य निर्वाह निधी संघटनेने निरसन केलं आहे.

पूर्वीच्या नियमांनुसार, खासगी कंपनीतील नोकरी गेल्यावर किंवा नोकरी सोडल्यावर पुढील तीन महिने पगार आला नाही तर व्याज सुरु राहतं. आणि त्यांनतर तो व्याज येणं बंद होते. मात्र ईपीएफओच्या नव्या नियमांनुसार आता नोकरदार वर्गाला दिलासा मिळाला आहे. ईपीएफओने म्हटलं आहे की, नोकरी गेली तरी पीएफ खात्यात व्याज मिळत राहतं.

हे व्याज वयाच्या ५८ वर्षांपर्यंत चालू राहतं. म्हणजे, तुम्ही ५८ वर्षांचे होईपर्यंत, खात्यात कितीही वर्ष पैसे आले नाहीत, तरी व्याज जमा होत राहतं. हे नियम ईपीएफओने स्पष्ट केले आहेत. उदाहरणार्थ जर तुम्ही ४० वर्षांचे असाल आणि नोकरी सोडली असेल, तर पुढील १८ वर्ष व्याज मिळेल. हे व्याज दरवर्षी निश्चित दराने जमा होतं.

ज्यामुळे तुमच्या खात्यातील पैसा वाढतो. यामुळे कर्मचाऱ्यांना बेरोजगार काळातही आर्थिक स्थिरता मिळते. २०१६ मध्ये सरकारने ईपीएफ नियमांमध्ये महत्त्वपूर्ण बदल केले. यापूर्वी तीन वर्षांच्या निष्क्रियतेच्या नियमामुळे व्याज थांबण्याची शक्यता होती, पण या सुधारणेनंतर ही मर्यादा काढून टाकली गेली.

दरम्यान तुमचे पीएफ खाते सक्रिय ठेवण्यासाठी वारंवार तपासणी करा. व्याज मिळत राहावा यासाठी ५८ वर्षांपर्यंत पैसे काढू नका, जेणेकरून कंपाउंडिंगचा फायदा मिळेल. जर तुम्ही नवीन नोकरीत रुजू झालात, तर जुने खाते नवीन खात्याशी जोडा. ईपीएफओच्या वेबसाइट किंवा अॅपवर खाते तपासा. हे नियम कर्मचाऱ्यांना आर्थिक सुरक्षितता देतात, विशेषतः बेरोजगारीच्या काळात तुम्हाला याची मदत होईल.