EPFO: सेल्फीद्वारे अ‍ॅक्टिव्ह करता येणार UAN नंबर; EPFOने सुरु केली फेस आयडी सर्व्हिस

ईपीएफओ सदस्यांसाठी महत्त्वाची बातमी आहे. ईपीएफओ आता सर्व सुविधा डिजिटल करत आहे.ईपीएफओने सर्वकाही डिजिटल करण्याकडे अजून एक पाऊल उचलले आहे. आता ईपीएफओने फेस ऑथेंटिकेशन टेक्नोलॉजीवर आधारित नवीन सुविधा सुरु आहेत. आता या नवीन टेक्नोलॉजीद्वारे कर्मचारी फक्त सेल्फी घेत त्यांचा यूएएन नंबर तयार करु शकतात.

ईपीएफओ कर्मचाऱ्यांकडे यूएएन नंबर असतो. हा नंबर प्रत्येक कर्मचाऱ्याचा वेगवेगळा असतो. या नंबरशिवाय पीएफ खात्यात तुमचे पैसे जमा होत नाही. दरम्यान, आता युनिव्हर्सल अकांट नंबर जनरेट करणे खूप सोपे झाले आहे. तुम्ही फक्त काही मिनिटांत यूएएन नंबर तयार करु शकतात.

ईपीएफओचे रिजनल कमिश्नर हेमंत कुमार यांनी याबाबत माहिती दिली आहे. याआधी कर्मचाऱ्यांना यूएएन नंबर तयार करण्यासाठी कंपन्यांवर अवलंबून राहावं लागत होतां. अनेकदा या कामाला उशिर होतो. चुकीची माहिती टाकल्यानंतर तुम्हाला अनेकदा सरकारी ऑफिसच्या फेऱ्या माराव्या लागायच्या. दरम्यान, आता ही सर्व झंझट संपणार आहे. आता ईपीएफओने सेल्फ यूएएन जनरेशन सुविधा सुरु केली आहे.

UAN नंबर होणार अॅक्टिव्ह (UAN Number Activation Process)

ईपीएफओचे कमिश्नर हेमंत कुमार यांनी दिलेल्या माहितीनुसार, नवीन व्यवस्थेत कर्मचारी आपल्या आधारशी जोडलेल्या फेस आयडीवरुन यूएएन बनवू शकतात. याासठी आता कंपनीची परवानगी घ्यायची गरज नाही. यूएएन नंबर डायरेक्ट अॅक्टिव्ह होणार आहे. यामुळे तुमचे पीएफ खाते उघडणे खूप सोपे होणार आहे. हे सर्व काम ऑनलाइन होणार आहे. त्यामुळे काही मिनिटांतच कर्मचारी नियोक्त्याशिवाय यूएएन नंबर जनरेट करु शकणार आहे.