Ladki Bahin Yojana: लाडक्या बहिणीच्या माध्यमातून मिळालेल्या पैशांनी कमवा अजून पैसे, 'हा' साधा सोपा बिझनेस महिलांना करेल मालामाल

लाडकी बहीण योजनेअंतर्गत आतापर्यंत २.५ कोटी महिलांनी अर्ज केल्याची माहिती आहे. यापैकी अनेक महिलांनी योजनेचा लाभ देखील घेतला आहे. लाडकी बहिणी योजनेच्या माध्यमातून मिळालेल्या पैशांनी तुम्ही अजून पैसे कमावू शकणार आहात. यासाठी तुम्हाला मिळालेल्या पैशांची योग्य गुंतवणूक करणं गरजेचं आहे. आज आम्ही तुम्हाला अशा एका बिझनेसबाबत माहिती देणार आहोत, ज्या माध्यमातून तुम्ही पैसे कमावू शकता.

अनेक स्त्रिया स्वतःचा व्यवसाय सुरू करत नाहीत कारण त्यांना वाटतं की त्यांना व्यवसाय करताना खूप पैसे गुंतवावे लागतील. मात्र आम्ही तुम्हाला सांगतो की जर तुम्ही व्यवसाय सुरू केला तर तुम्ही कमी पैसे गुंतवून चांगल्या नफ्याचा बिझनेस करू शकता. हा व्यवसाय आहे बटाटा चिप्सचा.

कसा सुरु करायचा हा बिझनेस?

या व्यवसायासाठी आवश्यक साहित्य म्हणजे विविध प्रकारचे बटाटे जसे की सामान्य बटाटे, रताळे इ. सोबत चिप्स बनवण्यासाठी भांडी आणि तेल, मीठ आणि तिखट. हा व्यवसाय सुरू करण्यासाठी तुम्ही फक्त सामान्य बटाटे वापरू शकता. तुम्ही कोणत्याही दुकानातून योग्य किमतीत बटाटे खरेदी करू शकता यानंतर तुम्हाला चिप्स बनवण्याचे मशीन देखील खरेदी करावं लागेल.

हे मशीन तुम्ही ऑनलाइन देखील खरेदी करू शकता. तुम्ही हा व्यवसाय सुरू कराल तेव्हा तुम्ही फक्त एक लहान आणि स्वस्त मशीन खरेदी करावी लागणार आहे. ज्यावेली तुमच्या चिप्सची मागणी वाढली की तुम्ही मोठं मशीन खरेदी करण्याचा विचार करू शकता.

योग्य स्थान निवडा

तुम्ही योग्य ठिकाण निवडून तुमचा व्यवसाय सुरू करावा. जर तुम्हाला तुमच्या घरी हा व्यवसाय सुरू करायचा असेल तर तुम्हाला चिप्स बनवायला किती जागा आहे आणि ते कुठे पॅक करायचे आहे याची पूर्ण माहिती घ्यावी लागेल.

तुम्ही बजेट ठरवून या बजेटनुसार तुमची मार्केटिंग स्ट्रॅटेजी बनवाा. तुम्ही तुमच्या राहत्या ठिकाणी जवळपास व्यवसायाची जाहिरात करू शकता. याशिवाय सोशल मीडियाच्या मदतीने तुम्ही तुमच्या व्यवसायाची जाहिरात सहज करू शकता.