RBI नं विकलं 35 टन सोनं? 60 हजार कोटींचं काय केलं?

Did RBI sell 35 tons of gold fact check : आरबीआयने 35 टन सोनं विकलंय...डॉलरच्या तुलनेत रुपयाची घसरण होत असल्याने हे पाऊल उचलल्याचा दावा केलाय...पण, आरबीआयवर सोनं विकण्याची वेळ आलीय का...? याची आम्ही पडताळणी केली...त्यावेळी काय सत्य समोर आलं पाहुयात... (Truth behind viral video claiming RBI sold gold)

या व्हिडिओत जो दावा केलाय तो धक्कादायक आहे...जास्त खर्च, कर्जाचा डोंगर, की टैरिफचा दबाव...? देशाची तिजोरी रिकामी का झाली? तिजोरीतील 60 हजार कोटी कुठे गेले? असा सवाल उपस्थित करण्यात आलाय...आरबीआयने 35 टन सोनं विकल्याचा दावा करण्यात आलाय...पण, खरंच असं झालंय का...? अशी वेळ का आली...?

35 टन सोनं का विकलं? याचीही माहिती देण्यात आलीय...आंतरराष्ट्रीय परकीय चलन बाजारात डॉलरच्या तुलनेत रुपया सातत्याने कमकुवत होतोय...रिझर्व्ह बँकेला तिच्या तिजोरीतील ही संपत्ती विकावी लागली. ही घसरण रोखण्यासाठी, रिझर्व्ह बँकेला डॉलरसह सोनेही परकीय चलन बाजारात आणावे लागले. असा दावा केलाय...पण, या दाव्यात तथ्य आहे का...? याची माहिती मिळवण्यासाठी आमच्या टीमने पडताळणी सुरू केली...याबाबत अधिक माहिती आरबीआयकडूनच मिळू शकते...

त्यामुळे त्यांच्याकडून माहिती मिळवली...मात्र, कुठेही अशी माहिती मिळाली नाही...उलट गेल्या एका वर्षभरात आरबीआयनेच 65 टन सोनं विकत घेतल्याची माहिती मिळाली...द न्यू इंडियन एक्स्प्रेसच्या बातमीनुसार, ही माहिती आहे...तर द इकॉनॉमिक्स टाईम्स, टाईम्स ऑफ इंडियाच्या बातम्यांनुसार, आपली अर्थव्यवस्था मजबूत असून, रिझर्व्ह बँकेकडे 880 टन सोनं उपलब्ध असल्याची माहिती दिलीय...त्यामुळे आम्ही याबाबत अधिक माहिती एक्सपर्टकडूनही घेतली...

त्यामुळे आमच्या पडताळणीत काय सत्य समोर आलं पाहुयात...

आरबीआयकडे 880 टन सोनं उपलब्ध

भारताची अर्थव्यवस्था मजबूत

35 टन सोनं विक्रीचा कुठेही उल्लेख नाही

फॉरेन पॉलिसी आणि अर्थव्यवस्थेचा संबंध नाही

या दाव्यात तथ्य नाही...35 टन सोनं आरबीआयने विकल्याचा पुरावाही नाही...तशी प्रेसनोटही नाही...आरबीआयकडे सध्या 880 टन सोनं उपलब्ध आहे...त्यामुळे डॉलरच्या तुलनेत रुपया सातत्याने कमकुवत होत असल्याने आरबीआयने 35 टन सोनं विकल्याचा दावा आमच्या पडताळणी असत्य ठरलाय.