Amazon Great Indian Festival: अमेझॉन ग्रेट इंडियन फेस्टिव्हल सेलमध्ये धमाकेदार ऑफर्स, फोन, टीव्हीवर मोठी सूट

अमेझॉन भारतात आपल्या ग्रेट इंडियन फेस्टिव्हल सेलची घोषणा केली आहे. हा सेल २३ सप्टेंबरपासून सुरू होणार आहे. हा वर्षातील सर्वात मोठा ई-कॉमर्स सेल असून, प्राइम मेंबरसाठी एक दिवस आधी प्रवेश उपलब्ध असेल. या सेलमध्ये इलेक्ट्रॉनिक्स, घरगुती उपकरणे, स्मार्टफोन, टीव्ही, लॅपटॉप आणि फॅशन उत्पादनांवर आकर्षक सवलती मिळणार आहेत.

अमेझॉनने या सेलसाठी मायक्रोसाईट देखील लाईव्ह केली असून, सेलच्या ऑफर्सबाबत छेड काढायला सुरुवात केली आहे. मात्र अद्याप सर्व ऑफर्स जाहीर केलेल्या नाहीत. सेलमध्ये फ्लॅट डिस्काउंट, बँक ऑफर, एक्सचेंज बोनस आणि ईएमआय पर्याय उपलब्ध असतील. कंपनीने संकेत दिला आहे की १७ सप्टेंबर रोजी स्मार्टफोनवरील विशेष ऑफर्स जाहीर होतील.

स्मार्टफोनच्या बाबतीत, Samsung Galaxy S24 Ultra आणि iPhone 15 यासारख्या हाय-एंड मॉडेल्सवर सेलदरम्यान ऐतिहासिक सूट मिळण्याची शक्यता आहे. Samsung Galaxy S24 Ultra आतापर्यंतच्या सर्वात कमी किमतीत उपलब्ध होईल. iPhone 15 देखील ५० हजार रुपयांपेक्षा कमी किमतीत विकला जाऊ शकतो. याशिवाय, OnePlus 13R, iQOO Neo 10R, Redmi A4, Realme Narzo 80 Lite 5G आणि इतर अनेक स्मार्टफोनवर आकर्षक ऑफर्स मिळणार आहेत.

सेलमध्ये फक्त स्मार्टफोनच नव्हे, तर Samsung Galaxy S25 Ultra 5G, S24 Ultra 5G, Xiaomi 15 Ultra, iQOO 13, OnePlus 13s सारखे हाय-एंड फोनही स्वस्त दरात खरेदी करता येतील. याशिवाय, स्मार्ट टीव्ही, वॉशिंग मशीन, लॅपटॉप, रेफ्रिजरेटरसह इतर घरगुती उपकरणांवरही फ्लॅट डिस्काउंट, बँक ऑफर्स आणि एक्सचेंज बोनससह सवलत मिळणार आहे.

कंपनीने स्पष्ट केले आहे की, या सेलमध्ये स्मार्टफोनवर ४० टक्क्यांपर्यंत, इलेक्ट्रॉनिक्स आणि फॅशन उत्पादनांवर ८० टक्क्यांपर्यंत, तर मोठ्या घरगुती उपकरणांवर ६५ टक्क्यांपर्यंत सवलत मिळेल. ग्रेट इंडियन फेस्टिव्हल सेलच्या माध्यमातून ग्राहकांना वर्षातील सर्वोत्तम डील मिळण्याची संधी आहे आणि अनेक उत्पादनं अर्ध्या किमतीत खरेदी करता येतील.