![Airline Ticket Fare Expensive](http://media.assettype.com/saamtv%2F2023-09%2Fba0da0ac-6a05-408c-a2ec-2e800efb5931%2FAdd_a_heading___2023_09_19T130105_748.jpg?w=480&auto=format%2Ccompress&fit=max)
सध्या गणेशोत्सवाची धामधूम सगळीकडे सुरु आहे. त्यानंतर अनेक सण उत्सव साजरे केले जातील. अशातच जर तुम्ही आतापासूनच विमानाचे तिकीट बूक करत असाल तर तुम्हाला जास्तीचे पैसे मोजावे लागतील.
ट्रॅव्हल पोर्टल इक्सिगोच्या आकडेवारीनुसार, नवरात्रीच्या काळात काही ठिकाणांवरील विमानाच्या भाड्यामध्ये गेल्या वर्षीच्या तुलनेत दुप्पटीने वाढ झाली आहे. विशेष म्हणजे प्री-कोविड वर्ष २०१९ च्या तुलनेत या वर्षी विमानाच्या भाड्यात दुपट वाढ झाली आहे.
नवरात्रीच्या (Navratri) पूर्वी बेंगळुरु- कोलकाता फ्लाइटचे सरासरी भाडे वर्षभरापूर्वी याच कालावधीत सुमारे ७००० रुपयांवरुन १४०० रुपयांपेक्षा जास्त झाले आहे. त्याचप्रमाणे या काळात मुंबई-कोलकाता फ्लाइटचे (Flight) सरासरी भाडे ५५ टक्क्यांनी वाढून १२००० रुपयांपेक्षा जास्त झाले आहे. तर बेंगळुरु-पाटणा फ्लाइटचे सरासरी भाडे २५ टक्क्यांनी वाढून १०,००० रुपयांपेक्षा जास्त झाले आहे.
1. यंदा दिवाळीतही भाडेवाढ
नोव्हेंबरच्या दुसऱ्या आठवड्यात दिवाळी (Diwali) असून या काळात गेल्या वर्षीच्या तुलनेत फ्लाइटच्या तिकीटात वाढ होणार आहे. दिवाळीच्या काळात अनेक मार्गावरील भाडे ७० टक्क्यांनी वाढेल असे म्हटले जात आहे. बेंगळुरु-मुंबई फ्लाइट ६७ टक्के महागणार त्यासाठी ५००० रुपये जास्तीचे पैसे मोजावे लागतील. बेंगळुरु-लखनऊचे भाडे ४१ टक्क्यांनी वाढून १०,००० रुपयांनी जास्तीचे वाढेल.
त्याचप्रमाणे चेन्नई-मुंबई फ्लाइटचे भाडे या कालावधीत 56 टक्क्यांनी वाढून 5,600 रुपयांपेक्षा जास्त झाले आहे. इज माय ट्रिपचे सीईओ आणि सह-संस्थापक निशांत पिट्टी म्हणाले की, येत्या सणासुदीच्या काळात गेल्या वर्षीच्या तुलनेत विमानाच्या भाड्यात ७२ टक्के वाढ झाली आहे. दिल्ली ते अहमदाबाद या मार्गावर अधिक वाढ झाली असून अशातच दिल्ली ते श्रीनगर मार्गावर ८९ टक्क्यांनी वाढ झाली आहे.
2. आगाऊ बुकिंग कसे कराल?
यंदा विमानाची आगाऊ बुकिंग करताना जास्तीचे पैसे मोजावे लागणार आहे. इक्सिगोच्या आकडेवारीनुसार नवरात्री आणि दिवाळीसाठी ३० दिवसांपूर्वी आगाऊ बुकिंग केली जाते. मागच्या वर्षीच्या तुलनेत यंदा ३० ते ३५ टक्क्यांनी जास्त असेल. इज माय ट्रिपवर ८० दिवसांपूर्वी तिकीट बुक करण्यात आले आहे.
इक्सिगोचे सह-संस्थापक आणि ग्रुप Ceo आलोक बाजपेयी यांच्या मते, वाढती मागणी आणि मर्यादित क्षमतेमुळे, या वर्षीच्या नोव्हेंबरमध्ये दिवाळीसाठी आगाऊ बुकिंगचे भाडे गेल्या वर्षीच्या तुलनेत सरासरी 35-40 टक्क्यांनी जास्त आहे. या वर्षी ऑक्टोबर आणि नोव्हेंबरमध्ये अधिक प्रमाणात तिकीट बुक केले जाईल अशी आशा आहे. यामध्ये गांधी जयंती, नवरात्री, ICC विश्वचषक 2023 आणि इतर सणांसह वीकेंडमुळे फायदा होऊ शकतो.
3. विमानाचा तिकीट दर का वाढला?
कोरोनानंतर विमान प्रवासातून सावरण्यासाठी भारत सध्या आघाडीवर आहे. गो फर्स्टने विमानसेवा स्थगित केल्यामुळे आणि विमानाचा तुटवडा, मागणी आणि पुरवठ्यात कमतरता निर्माण झाली आहे. त्यामुळे भाडे वाढले आहे. ऑगस्ट 2019 च्या प्री-कोविड कालावधीच्या तुलनेत ऑगस्टमध्ये देशांतर्गत हवाई प्रवास 5.4 टक्क्यांनी वाढून 12.4 दशलक्ष झाला आहे. त्यामुळे भाडे 2019 च्या पातळीपेक्षा महाग राहिले आहे. मागणीपेक्षा कमी पुरवठा हे याचे सर्वात मोठे कारण असल्याचे पिटीने सांगितले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.