भारतात इलेक्ट्रिक कारची क्रेझ दिवसेंदिवस वाढत आहे. नवनवीन इलेक्ट्रिक कार बाजारात लाँच होत आहेत. नुकतीच टाटा पंच इलेक्ट्रिक कारचे अनावरण करण्यात आले आहे. ही कार लाँच होण्याची अनेकजण वाट पाहत होते. टाटा पंचसोबतच टाटाच्या अनेक इलेक्ट्रिक कार बाजारात आहेत. या कारबद्दल जाणून घेऊया. (Latest News)
Tata Tiago EV
टाटाची Tata Tiago EV लोकप्रिय आहे. कंपनीची ही हॅचबॅक कार XE, XT, XZ+ आणि XZ+ Tech Lux या चार प्रकारांमध्ये उपलब्ध आहे. या कारमध्ये 19.2 kWh आणि 24 kWh बॅटरी पॅक देण्यात आला आहे. ही कार 315 किमीची ड्रायव्हिंग रेंज देते. या कारच्या बेस मॉडेलची किंमत ८.६९ लाख रुपये आहे. या कारमध्ये अॅडजस्टेबल ड्रायव्हर सीट, रियर व्ह्यू कॅमेरा आणि अँटी-लॉक ब्रेकिंग सिस्टीम हे फिचर्स देण्यात आले आहे. टाटाची ही ५ सीटर कार आहे.
Citroen eC3
Citroen eC3 ही कार ११.६१ लाख रुपयांना विकली जात आहे. कारचे टॉप मॉडेल १२.९९ लाख रुपये आहे. या नवीन कारमध्ये 10.2 इंच टचस्क्रिन सिस्टीम आहे. एका चार्जमध्ये ही कार 320 किमी पर्यंतची रेंज देते. या कारमध्ये ऑटोमॅटिक ट्रान्समिशन उपलब्ध आहे. ही कार 29.2 kWh बॅटरीसह सादर केली जात आहे.
Tata Tigor EV
Tata Tigor EV ही ५ सीटर कार आहे. या कारच्या बेस मॉडेलची किंमत १२.४९ लाख रुपये आहे. ही कार ३१५ किमी ड्रायव्हिंग रेंज देते. या कारमध्ये 26kWh बॅटरी पॅक देण्यात आला आहे.
MG Comet EV
MG Comet EV ही कार सिंगल चार्जमध्ये 230kmपर्यंत ड्रायव्हिंग रेंज देते. यात 41bhp पॉवर देण्यात आली आहे. या कारच्या बेस मॉडेलची किंमत ७.९८ लाख रुपये आहे. MG Comet EV कारमध्ये 17.3kWhचा बॅटरी पॅक आहे. ही बॅटरी 111Nm टॉर्क जनरेट करते.
Tata Nexon EV
टाटाची ही नवीन कार क्रिएटिव्ह+, फियरलेस, फियरलेस+, फियरलेस+एस, एम्पॉवर्ड आणि एम्पॉवर्ड+या सहा प्रकारांमध्ये येते. या कारची एक्स शोरुम किंमत १४.७४ लाख रुपये आहे. या एसयूव्ही कारमध्ये १६ इंची अलॉय व्हिल देण्यात आले आहे. या कारमध्ये 30kWh बॅटरी आहे. ही कार 127bhp पॉवर आणि 465 ड्रायव्हिंग रेंज देते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.