आधार कार्ड हे प्रत्येकासाठी महत्त्वाचे कागदपत्र आहे. भारतात राहणाऱ्या प्रत्येक नागरिकासाठी हे ओळखपत्र आहे. आधार कार्ड बनवणारी संस्था म्हणजे UIDAI ने मोठा निर्णय घेतला आहे. आता ७ ते १५ वर्षांच्या मुलांचे आधार बायोमेट्रिक अपडेट करण्यासाठी कोणतेही शुल्क द्यावे लागणार नाही.
१ ऑक्टोबरपासून नवीन नियम लागू
१ ऑक्टोबरपासून आता लहान मुलांना बायोमेट्रिक अपडेटसाठी कोणतेही शुल्क भरावे लागणार नाही. ही सुविधा १वर्षासाठी असणार आहे. १ऑक्टोबर २०२६ पर्यंत तुम्ही आधार फ्रीमध्ये अपडेट करु शकतात.
पाच वर्षांपर्यंतच्या मुलांसाठी हा नियम लागू होणार नाही. या लहान मुलांना फिंगरप्रिंट, आयरिस स्कॅनची गरज नाही. ५ वर्षानंतरच्या मुलांनाच बायोमेट्रिक अपडेटची गरज असते. त्यामुळे ५ वर्षांपेक्षा कमी वयोगटातील मुलांसाठी हा नियम लागू होणार नाही.
याआधी दोन टप्प्यांमध्ये बायोमेट्रिक केले जायचे. ५ ते ७ वर्ष आणि १५ ते १७ वयोगटातील मुलांचे बायोमेट्रिक केले जाते. दरम्यान, या वयोगटातील मुलांना बायोमेट्रिक करण्यासाठी १२५ रुपये शुल्क मोजावे लागत होते. दरम्यान, आता तुम्हाला कोणतेही शुल्क मोजावे लागणार नाही.
७ ते १५ वयोगटातील मुलांचे बायोमेट्रिक करायचे असेल तर तुम्हाला एकही रुपया द्यावा लागणार नाही. यामुळे एकही लहान मुल बायोमेट्रिक करण्यापासूव वंचित राहणार नाही. याचसोबत आधार रेकॉर्ड अपडेट ठेवता येणार आहे. यासाठी कोणतेही पैसे मोजण्याची गरज नाही.
यूआयडीएआयने दिलेल्या माहितीनुसार, बायोमेट्रिक अपडेट करणे आवश्यक आहे. मुलांच्या शाळेत अॅडमिशनसाठी, परीक्षेसाठी, स्कॉरशिपसाठी बायोमेट्रिक गरजेचे असते. त्यामुळे प्रत्येकाला बायोमेट्रिक अपडेट करावे लागणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.