सरकारी कर्मचाऱ्यांसाठी अत्यंत महत्त्वाची बातमी समोर आली आहे. आठव्या वेतन आयोगाकडून केंद्रीय कर्मचारी आणि पेन्शनधारकांना मोठ्या पगारवाढीची अपेक्षा आहे. चेन्नई येथे झालेल्या बैठकीदरम्यान एका पेन्शनर्स संघटनेने बेसिक सॅलरी ६९,००० रुपये करण्याची मागणी केली आहे. सध्या सातव्या वेतन आयोगानुसार केंद्र सरकारी कर्मचाऱ्यांची बेसिक सॅलरी १८,००० आहे. त्यामुळे ६९,००० रुपयांची मागणी मंजूर झाल्याने सध्याच्या बेसिकमध्ये तब्बल ५१,००० रुपयांची वाढ होऊ शकते.
या मागणीमागे ३.८३ फिटमेंट फॅक्टरचा आधार आहे. फिटमेंट फॅक्टर म्हणजे सध्याच्या बेसिक सॅलरीला नव्या वेतनश्रेणीत रुपांतरिक करण्यासाठी वापरला जाणारा गुणक . सातव्या वेतन आयोगात २.५७ फिटमेंट फॅक्टर मंजूर करण्यात आला होता. आता आठव्या वेतन आयोगासाठी अनेक कर्मचारी आणि पेन्शनर्स संघटनांकडून ३.८३ फिटमेंट फॅक्टरची मागणी केली जात आहे. १८,००० बेसिकला ३.८३ ने गुणल्याने ६८,९९४, म्हणजेच जवळपास ६९,००० होते.
ही मागणी फक्त एका संघटनेपुरती मर्यादित नाही. NC-JCM, All India Defence Employees Federation (AIDEF), Federation of National Postal Organisations तसेच विविध पेन्शनर्स संघटनांनीही ६९,००० रुपये बेसिक सॅलरी आणि ३.८३३ फिटमेंट फॅक्टरची मागणी केली आहे. Chennai GPO Pensioners कडून ६८,००० किमान वेतन आणि ३.७७ फिटमेंट फॅक्टरची मागणी केली होती. मात्र सरकारने २.५७ फिटमेंट फॅक्टर मंजूर केला होता.
मात्र संघटनांनी केलेली मागणी आणि सरकारकडून मंजूर होणारी अंतिम शिफारस यात मोठा फरक असू शकतो. सातव्या वेतन आयोगाच्या वेळी NC-JCM ने ३.७१ फिटमेंट फॅक्टरची मागणी केली होती. मात्र सरकारने २.५७ फिटमेंट फॅक्टर मंजूर केला होता.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.