केंद्रीय कर्मचार्यांसाठी अत्यंत महत्वाची बातमी आहे. सध्या पेन्शनधारकांमध्ये आणि कर्मचार्यांमध्ये मोठ्या प्रमाणात आठव्या वेतन आयोगाबद्दलची चर्चा सुरु आहे. आता आयोग काय निर्णय घेणार याकडे सर्वांचं लक्ष आहे. यामध्ये महागाई भत्ता आणि आठव्या वेतन आयोगाची प्रोग्रेसची घोषणा कधी होणार यावर सध्या जोरदार चर्चा सुरू आहेत. त्यातच एक महत्वाची अपडेट समोर आली आहे.
आठवे वेतनाच्या नुकत्याच झालेल्या चर्चेतून ही महत्वाची माहिती समोर आली आहे. त्यामध्ये कर्मचाऱ्यांना जुलै २०२६ पासून महागाई भत्त्यात (DA Hike) वाढ होण्याची शक्यता आहे. सध्या कर्मचाऱ्यांना ७ व्या वेतन आयोगानुसार वेतन आणि भत्ता मिळत आहे. वाढत्या महागाईचा विचार करता सरकारकडून जास्तीचा दिलासा मिळू शकतो.
केंद्र सरकार वर्षातून दोनदा म्हणजे जानेवारी आणि जुलै महिन्यात महागाई भत्त्याची नोंद घेतं. यासाठी ग्राहक किंमत निर्देशांक (CPI-IW) आणि बाकीच्या महागाईच्या आकडेवारीची नोंद घेतं. नुकत्याच प्रसिद्ध झालेल्या आकडीवारीनुसार अन्नधान्य आणि दैनंदिन गरजेच्या वस्तुंच्या किंमती वाढलेल्या पाहायला मिळत आहेत. त्यामुळे जुलै २०२६ मध्ये DA मध्ये २ ते ३ टक्क्यांची वाढ होण्याची शक्यता व्यक्त केली आहे.
सध्या केंद्रीय कर्मचाऱ्यांना मूळ वेतनाच्या ५८ टक्के महागाई भत्ता मिळतो. तज्ज्ञांच्या अंदाजानुसार या वर्षी महागाई भत्त्यात आणखी २ ते ३ टक्क्यांनी वाढ होऊ शकते. अशी मागणीही कर्माचारी संघटनेने केली आहे. जर ही वाढ मान्य केली तर लाखो कर्मचारी आणि पेन्शनधारकांच्या महिन्याच्या बेसिक सॅलरित वाढ होणार आहे. त्यामुळे सर्वांचं लक्ष सरकारच्या पुढच्या निर्णयाकडे लागलं आहे. पण यासंदर्भात अजुनही अधिकृत माहिती समोर आलेली नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.