स्वयंपाकघर हे घरातील सर्वात महत्वाचे ठिकाण मानले जाते. स्वयंपाकघरात गॅस सिलिंडर, मांडणी, पाण्यांचे भांडे, फ्रिज अशा सर्वच वस्तू असतात. परंतु या सर्व वस्तू योग्य जागी असणे महत्वाचे मानले जाते. वास्तुशास्त्रानुसार, स्वयंपाकघरात प्रत्येक वस्तू योग्य ठिकाणी असणे महत्वाचे आहे.
अनेकदा जागेच्या अभावामुळे गॅस सिलिंडर हा फ्रिजच्या अगदी जवळ किंवा बाजूला आपण ठेवतो. मात्र हे चुकीचे आहे. वास्तुशास्त्रानुसार फ्रिजजवळ गॅस सिलिंडर ठेवणे अत्यंत धोकादायक ठरू शकते.
फ्रिज इलेक्ट्रॉनिक उपकरणांपैकी एक आहे. फ्रिजच्या मागील बाजूस कंप्रेसर आणि कॉइल्स असतात जे अन्न थंड करताना मोठी उष्णता बाहेर सोडतात. एलपीजी सिलिंडर हा अत्यंत दाबाने भरलेला ज्वलनशील गॅस असतो. सततच्या उष्णतेमुळे सिलिंडरचे तापमान वाढून आतील दाब वाढू शकतो, ज्यामुळे स्फोट होण्याचा धोका निर्माण होतो.
इलेक्ट्रिक स्पार्क आणि शॉर्ट सर्किटचा धोका
फ्रिजच्या ऑटोमॅटिक स्विचिंग किंवा वायरिंगमध्ये कधीकधी स्पार्किंग होण्याची शक्यता असते. जर गॅस सिलिंडरमध्ये गळती ( असेल आणि फ्रिज उष्णतेच्या संपर्कात आली, तर आग लागू शकते.
वेंटिलेशनची समस्या
फ्रिजच्या बाजूला सिलिंडर ठेवल्याने हवा खेळती राहत नाही. गॅस लीक झाल्यास साचून राहतो त्यामुळे स्फोट होण्याची शक्यता वाढू शकते.
टिप
येथे दिलेली माहिती ही सामान्य ज्ञानावर आधारित आहे. अधिक माहितीसााठी योग्य सल्ला घ्या..