व्हायरल होत असलेल्या एका व्हिडिओमध्ये कारमधील व्यक्तीने बनवल्याचं दिसतंय. त्यात रात्रीच्या अंधारात भूतसदृश एक लाल साडी घातलेली महिला दिसतेय. हा यवतमाळचा करळगाव घाट असल्याचा दावा करण्यात आलाय. या घाटात अनेकदा अपघातात घडतात. अनेकांचे याच घाटात जीव गेले, त्यामुळे अशा अपघातातील एखाद्या मृत व्यक्तीचाच हा भटकता आत्मा असावा, अशी चर्चा सुरूये. हा विषय गंभीर आहे. त्यामुळे याची शहानिशा करण्यासाठी आमचे प्रतिनिधी संजय राठोड थेट करळगाव घाटात पोहोचले.

व्हिडिओत भूत दिसल्याचा दावा करण्यात आलाय त्या ठिकाणी आमचे प्रतिनिधी पोहोचले मात्र, दिवसा असं काही दिसलं नाही. गावातील काही व्यक्तींची त्यांनी भेट घेतली. त्यावेळी खरंच गावातील लोकांनी घाटात भूत पाहिलंय का? हे जाणून घेतलं.

आमच्या पडताळणीत काय सत्य समोर आलं पाहुयात...

- व्हिडिओत दिसणारी महिला भूत नाही.

- व्हायरल व्हिडिओत दिसणारी महिला मनोरुग्ण.

- मनोरुग्ण महिलेचा व्हिडिओ व्हायरल करून भूत असल्याचा दावा.

- लोकांना घाबरवण्यासाठी खोडसाळपणा केलाय.

त्यामुळे यवतमाळच्या करळगाव घाटात रात्री भूत फिरत असल्याचा दावा आमच्या पडताळणीत असत्य ठरलाय. भूत वैगरे काही नाही. अशा प्रकारच्या अफवा पसरवणं अंधश्रद्धा निर्मूलन कायद्यानुसार गुन्हा ठरतो. त्यामुळे असा खोडसाळपणा करू नका.