भारतीय लग्नसमारंभांची भव्यता आणि थाटमाट जगभर प्रसिद्ध आहे. लग्न हा प्रेत्येकाच्या आयुष्यातील एक खास क्षण असतो. तो साजरा करण्यासाठी अनेक जण वेगवगेळे नियोजन करतात. मात्र एका कुटुंबाने लग्नाचं वऱ्हाड घेऊन जाण्यासाठी पूर्ण कोच बुक केल्याचे पाहायला मिळते आहे. या कोचमध्ये वधूच्या कुटुंबीयांनी गाणी, डान्स, जल्लोषाने संपूर्ण कोचमध्ये धिंगाणा घातला. याचा व्हिडिओ सोशल मीडियावर व्हायरल होत आहे.

व्हायरल झालेल्या व्हिडिओमध्ये, सुरुवातीला एक माणूस रेल्वेला फुलांचा हार बांधतो आहे. त्यानंतर प्लॅटफॉर्मवर वधूचं कुटुंब डान्स करताना पाहायला मिळत आहे. परिवारातील लहान मुले, तरुण आणि आजी आजोबा आनंद लुटताना दिसत आहेत.

काही जण नाचत आहेत, तर काही जण संगीताच्या तालावर टाळ्या वाजवत आहेत. तसेच या आनंदच्या प्रसंगी होणाऱ्या नवरीच्या केक कापला आणि पुढच्या प्रवासाला निघाले. हा व्हिडिओ आता सोशल मीडियावर वेगाने व्हायरल होत असून, नेटकऱ्यांनी त्यावर मजेशीर प्रतिक्रिया दिल्या आहेत.

अनेक वापरकर्त्यांनी या अनोख्या सेलिब्रेशनचं कौतुक केले. एका नेटकऱ्याने म्हटले आहे की, लग्नासाठी संपूर्ण कुटुंबासोबत ट्रेनने प्रवास करणे हा एक मजेशीर अनुभव आहे. तर दुसऱ्या एका नेटकऱ्याने म्हटले की, जुने दिवस आठवले. तर काहींनी सार्वजनिक ठिकाणी होणाऱ्या गोंगाटाबद्दल नाराजीही व्यक्त केली.