छत्रपती शिवाजी महाराजांना महाराष्ट्राचे आराध्यदैवत मानले जाते. महाराष्ट्रात घराघरात शिवाजी महाराजांचे पूजन केले जाते. शिवाजी महाराजांच्या काळात अनेक खेळ खेळले जायचे. त्यांच्या काळात तलवारबाजी, लाठी- काठी असे अनेक खेळ खेळले जायचे. हे खेळ खेळताना समोरच्या व्यक्तीला कधीही दुखापत होऊ शकते. परंतु याच गोष्टींचे भान ठेवून अचूक ठिकाणी आपली लाठी चालवणे हेच कौशल्य असते. परंतु सध्या असे खेळ खेळताना कोणीच दिसत नाही. परंतु सोशल मीडियावर नुकताच लाठी- काठी खेळणाऱ्या मुलीचा व्हिडिओ व्हायरल होत आहे.

लाठी- काठी खेळताना समोर जो व्यक्ती उभा असतो. त्याला दुखापत होऊ शकते. त्यामुळे शक्यतो लाठी- काठी खेळताना कोणीच उभे राहत नाही. परंतु एका व्हायरल होणाऱ्या व्हिडिओत त्या मुलगी लाठी- काठीचा खेळ खूप उत्तम पद्धतीने खेळताना दिसत आहे. तिने तिच्या समोर उभ्या असलेल्या व्यक्तीला ही काठी बिल्कुल लागून दिलेली नाही. समोरचा व्यक्तीदेखील घाबरलेला दिसत नाहीये. त्यांचा या मुलीवर खूप विश्वास आहे. त्यामुळेच लाठी अगदी तोंडाजवळ आली तरी तो व्यक्ती मागे फिरत नाही. या मुलीने लाठी- काठी खेळून झाल्यानंतर ती त्या व्यक्तीच्या पाया पडते. त्यावरुन हा व्यक्ती तिचा गुरु असू शकतो. मात्र, याबाबत कोणतीही माहिती समोर आलेली नाही.

gabbar_singh या एक्स अकाउंटवरुन हा व्हिडिओ शेअर करण्यात आला आहे. या व्हिडिओवर 'शिवरायांच्या काळात जो विश्वास मावळ्यांवर होता तोच विश्वास आजही टिकून आहे', असं कॅप्शन दिले आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव केला आहे.