शेवगाव तालुक्यातील दहिफळ गावातून धक्कादायक प्रकार समोर आला आहे. गावातील लहान मुलांनी सरपंचाच्या चारचाकी वाहनावर चिखलफेक केला आहे. सोशल मीडियावर याचदरम्यानचा व्हिडीओ तुफान व्हायरल झाला आहे. नेमकं या लहान मुलांना असं का केलं आहे असा प्रश्न समोर उपस्थिक झाला आहे.

शेवगावातील दहिफळ गावात लहान मुलांना सरपंच महिलेच्या गाडीवर चिखलफेक केल्याची धक्कादायक घटना घडली आहे. व्हायरल व्हिडीओमध्ये तुम्ही पाहू शकता की, दहा ते पंधरा लहान मुले दिसत आहे. पांढऱ्या रंगाच्या कारभोवती ही लहान मुले दिसत आहे. दरम्यान गावाच्या वेशीवर संरपच महिला कारमध्ये दिसताच या मुलांनी कारवर चिखल उडवला आहे. 'सरपंच खाली उतरा' असं ही मुले ओरडताना दिसत आहे. अनेक मुलांच्या हातात शाळेच्या बॅगा दिसत आहेत.

काय आहे नेमकं प्रकरण?

मिळालेल्या माहितीनुसार, अहिल्यानगर जिल्ह्यातील शेगाव तालुक्यातील दहिफळ गावात शाळेत जाण्यासाठी रस्ता नाही आहे. अनेक वर्ष मागणी करून देखील या गावात रस्ता नाही आहे. गावातून शाळेत जाण्यासाठी रस्ता नसल्याने या मुलांना चिखलातून पायपीट करावी लागत आहे. पावसाळ्यात गुडघाभर चिखलातून ही मुले दररोज शाळेत जातात. म्हणूनच या संतप्त झालेल्या लहान मुलांनी सरपंच महिलेच्या चारचाकी वाहनावर चिखलफेक केली आहे.