सोशल मीडियावर काही दिवसांपूर्वी नमो भारत ट्रेन मधील जोडप्यांचा अश्लील व्हिडिओ व्हायरल झाला होता. हा व्हिडिओ पुन्हा एकदा चर्चेचा विषय बनला आहे. पहिल्या व्हिडिओनंतर आता त्याच घटनेशी संबंधित दुसरा व्हिडिओ सोशल मीडियावर समोर आला आहे. नेटकरी 'रॅपिड रेल पार्ट-२' (Rapid Rail Part 2 Video ) या नावाने हा व्हिडिओ सतत शेअर करत आहेत, ज्यामुळे हे प्रकरण पुन्हा चर्चेत आले आहे. दुसरा व्हिडिओ समोर आल्यानंतर, एनसीआरटीसीने औपचारिक अपील जारी केले आहे. एनसीआरटीसीने म्हटले आहे की, या संपूर्ण प्रकरणात विभागीय आणि कायदेशीर कारवाई आधीच करण्यात आली आहे. व्हिडिओ पुन्हा पुन्हा व्हायरल करणे अयोग्य आहे.

डीबीआरआरटीएसचे सुरक्षा प्रमुख दुष्यंत कुमार यांनी २२ डिसेंबर रोजी गाझियाबादमधील मुरादनगर पोलिस ठाण्यात या घटनेबाबत तक्रार दाखल केली. तक्रारीत म्हटले आहे की, २४ नोव्हेंबर रोजी संध्याकाळी नमो भारत ट्रेन दुहाईहून मुरादनगरला जात असताना ट्रेनच्या प्रीमियम कोचमध्ये हा अश्लील कृत्य घडले.

एनसीआरटीसीच्या चौकशीत असे दिसून आले की हा व्हिडिओ ट्रेन ऑपरेटरने मोबाईल फोन वापरून रेकॉर्ड केला होता, जो नियमांचे स्पष्ट उल्लंघन आहे. त्यानंतर, महामंडळाने ३ डिसेंबर रोजी ऑपरेटरला सेवेतून काढून टाकले.दुसरा व्हिडिओ व्हायरल झाल्यानंतर, एनसीआरटीसीने स्पष्टपणे सांगितले आहे की व्हिडिओचा पुढील प्रसार टाळावा.

महामंडळाने प्रवाशांना नमो भारत सारख्या सार्वजनिक वाहतूक सेवांमध्ये शिस्त आणि शिष्टाचार राखण्याचे आवाहन केले आहे. ट्रेनमध्ये किंवा स्टेशनवर कोणतेही अश्लील किंवा असभ्य वर्तन आढळल्यास, कर्मचारी किंवा सुरक्षा कर्मचाऱ्यांना त्वरित कळवावे.