Mumbai Local Viral Video Of Passenger Perform Stunt:

सोशल मीडियावर अनेक व्हिडिओ व्हायरल होत असतात. त्यात अनेक लोक काहीतरी अंतरगी आणि भीतीदायक स्टंट करतात. यात अनेकदा मुंबई रेल्वेतील प्रवाशांनी दाराला लटकून प्रवास केलेल्याचे व्हिडिओ असतात. असाच एक ट्रेनवर चढून स्टंट केल्याचा व्हिडिओ सोशल मीडियावर प्रचंड व्हायरल होत आहे. (latest News)

ट्रेनमध्ये अनेकदा जागा नसल्यावर लोक दरवाज्याला लटकून प्रवास करतात. परंतु त्यामुळे प्रवाशांच्या जिवाला धोका निर्माण होतो. अनेकदा तर या अशा अतरंगी प्रयत्नांमुळे अनेक प्रवाशांना रेल्वेतून पडून मृत्यूदेखील झाला आहे. असाच एका प्रवाशांने भयानक स्टंट केला आहे. मुंबई उपनगरीय रेल्वेतील हा व्हिडिओ आहे. परंतु नक्की ठिकाण कोणतं हे अजूनही समजू शकले नाही. याचा व्हिडिओ सोशल मीडियावर प्रचंड व्हायरल होत आहे.

व्हायरल व्हिडिओत एक प्रवाशी ट्रेनच्या बाहेर लटकलेला दिसत आहे. प्रवाशी ट्रेनच्या दरवाज्याला लटकून नंतर ट्रेनच्या छतावर चढताना दिसत आहे. यावेळी अजून एकजण याचा व्हिडिओ शूट करत आहे. ट्रेनच्या छतावर चढताना ही प्रवाशी काही आक्षेपार्ह हावभाव करताना दिसत आहे. त्यावेळी मध्येच छतावरुन आगीचा ज्वाळा येताना दिसत आहे. परंतु त्यानंतरही हा तरुण उठून वेगवेगळे हावभाव करताना दिसत आहे. हा स्टंट त्याच्या जीवावर बेतू शकतो हेदेखील त्याला कळत नसल्याचे दिसत आहे. याचाच व्हिडिओ सोशल मीडियावर शेअर करण्यात आला आहे.

या व्हिडिओवर नेटकऱ्यांनी संतापजनक प्रतिक्रिया दिल्या आहेत. 'जीवाची पर्वा नसलेले प्रवासी हे असं करतात', 'हे सगळं भीतीदायक आहे', अशा कमेंट्स नेटकऱ्यांनी या व्हिडिओवर केल्या आहेत.