आजकाल हार्टअॅटॅक येण्याचे प्रमाण दिवसेंदिवस वाढत आहे. लहानांपासून ते मोठ्यापर्यंत कोणालाही हॉर्ट अटॅक येत आहे . अचानक हॉर्ट अटॅक आल्याने मृत्यू देखील झाल्याच्या घटना तुम्ही ऐकल्या असतील. सोशल मीडियावर याचे अनेक व्हिडीओ समोर येतात. नुकताच हॉर्ट अटॅकमुळे कार चालकाचं स्टेरिंगवरील नियंत्रण सुटलं आहे आणि कार हवेत उडाली आहे. या धक्कादायक दृश्याचा व्हिडीओ सध्या सोशल मीडियावर व्हायरल होत आहे.

अमेरिकेतली न्यूयॉर्कमधील लाँग आयलंड सनराइज हायवेवर मोठा अपघात घडला आहे. वर्दळीच्या या रस्त्यावर कार हवेत उडाली आहे. सहा लेन पार करत कार झाडाला धडकली आहे. व्हायरल होत असलेल्या या व्हिडीओमध्ये तुम्ही पाहू शकता की, रस्त्यावर कार अचानक हवेत झेप घेत आहे. या कारने हवेत उडत रस्ता ओलांडला आहे. सनराइज हायवेच्या सहा लेन ओलांडून कार दुसऱ्या बाजूला गेली आणि झाडाला धडकली. वर्दळीच्या रस्त्यावर घडलेल्या या अपघाताचा व्हिडीओ पाहून सर्वाचीच झोप उडाली आहे.

मिळालेल्या माहितीनुसार, लाँग आयलंडमधील सनराइज हायवेवर नेहमीच ट्राफीक असते. ट्राफीकच्या या रस्त्यावर कार हवेत उडून मोठा अपघात झाला आहे. यामुळे इतर वाहनांना देखील धक्का लागण्याची भिती होती. या घटनेमुळे सर्वानाच धक्का बसला आहे. कार चालकाला झटका आला ज्यामुळे चालकाचा स्टेरिंगवरचा तोल गेला आणि कार हवेत उडाली आहे. या अपघातात चालकाला किरकोळ दुखापत झाली असून कारचे मोठे नुकसान झाले आहे.