Pune News: गेल्या काही महिन्यापासून पुणे शहरातून अनेक गुन्हेगारीच्या घटना वाढत आहे. कधी भररस्त्यात हत्या तर कधी काही. सर्व घडलेल्या घटनांचे व्हिडिओही आपल्याला सोशल मीडियाच्या माध्यमातून पाहण्यासाठी मिळत असतात. सध्या सोशल मीडियावर पुणे शहरातील एक व्हिडिओ व्हायरल होत आहे, ज्यात पुणे विमानतळाच्याजवळ एका कॅब चालकास मारहाण करण्यात आलेली आहे.

प्रकरण नेमके काय?

पुणे (Pune)विमानतळाच्या जवळ असलेल्या एरो मॉल येथे कॅब चालकाला मारहाण करण्यात आली होती. या घटनेत नोंदणी नसलेल्या कॅब कंपनीच्या एका चालकाने मारहाण केल्याचा आरोप करण्यात आला. एका कॅब चकलाच्यावर झालेल्या हल्ल्यानंतर भारतीय गिग कामगार मंचाच्या कॅब (Cab)चालकांनी काम बंद आंदोलन केलं. घडलेली घटना बुधवार रात्री असल्याचे समजत आहे. पोलिसांनी मध्यस्थी केल्यानंतर मारहाण केलेल्या संबंधित चालकावर गुन्हा दाखल करण्यात आला आहे.

हाणामारीचा व्हिडिओ इन्स्टाग्राम या सोशल मीडिया प्लॅटफॉर्मवर व्हायरल होत आहे. मात्र तो व्हिडिओ ''SaamTvNews'' या अकाउंटवर पोस्ट करण्यात आलेला आहे. व्हिडिओ पोस्ट करत कॅप्शनमध्ये,'' पुणे विमानतळाच्याजवळअसलेल्या एरो मॉल येथे कॅब चालकाला मारहाण ''असे लिहिण्यात आलेले आहेत.

व्हिडिओ व्हायरल होताच अनेक प्रश्न उपस्थित झाले असून हा व्हिडिओ नेटकऱ्यांच्या चर्चेचा विषय ठरला आहे. एवढेच नाही तर बऱ्याच नेटकऱ्यांनी प्रतिक्रियाही केलेल्या आहेत. त्यातील एका यूजरने लिहिले आहे की,''दिवसेंदिवस काय सुरु आहे'',तर दुसऱ्या एका यूजरने लिहिले आहे की,''बापरे''तर अनेकांनी प्रश्न विचारत या व्हिडिओला प्रतिक्रिया केलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.