Leopard on runway: पुणे शहराच्या विमानतळावर एक अनपेक्षित प्रकार घडला असून, धावपट्टीवर अचानक बिबट्या दिसल्याने एकच खळबळ उडाली आहे. बिबट्या धावपट्टी बसलेला असताना काही प्रवाशांच्या नजरेस पडला. संबंधित घटनेचा व्हिडिओ सोशल मीडियावर व्हायरल झाला असून, नागरिकांमध्ये भीतीचे वातावरण निर्माण झाले आहे.

रन-वे वर बिबट्याची एन्ट्री – नेमकं काय घडलं?

दिनांक २८ एप्रिलच्या रात्री अंदाजे ९.३० वाजता पुण्यातील लोहेगाव परिसरात, पुणे विमानतळाजवळ बिबट्या(leopard Video) फिरताना नागरिकांनी पाहिला. या घटनेचा व्हिडीओ आणि फोटो काही लोकांनी सोशल मिडियावर शेअर केला आहे. घटनेची माहिती मिळताच वनविभाग आणि स्थानिक पोलिसांनी घटनास्थळी धाव घेतली आहे.

विमानतळ (Airport Video) परिसरात गरज नसल्यास फिरू नये, असे आवाहन करण्यात आलं होतं. काही जणांनी दिलेल्या माहितीनुसार, बिबट्याचा पुणे विमानतळाच्या धाव पट्टीवर सुद्धा वावर होता. हा व्हिडिओ सध्या इन्स्टाग्रामवरील saamtvnews या अकाउंटवर अपलोड केला गेला आहे आणि त्यानंतर फेसबूक, ट्वीटर अशा माध्यमांवर व्हायरल होत आहे.

सोशल मीडियावर कमेंट्सचा पाऊस

हा व्हिडिओ पाहिल्यानंतर विविध लोकांनी या घटनेला एक संतापजनक म्हटलं आहे तर काहींनी विविध मतं दिली आहेत. त्यातील एका यूजरने म्हटलं,''जंगल उध्वस्त करून त्या जागी आयटी पार्क विमानतळ बनवल्यावर हे जंगली प्राणी जाणार तरी कुठं?'' तर दुसऱ्या यूजरने म्हटलं,''बिबट्या बरोबर त्याच्या जागावर आलाय पण विमानतळ चुकीच्या जागेवर आलय'' तर काहींनी,''सुरक्षितेतचा प्रश्न उपस्थितीत केला आहे'' अशा संमिश्र प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.