वाढदिवस हा प्रत्येकाच्या आयुष्यातला खास दिवस असतो. वाढदिवसादिवशी केक कापण्याची पद्धत आहे. आजकाल वाढदिवसादिवशी कुटुंब, मित्र परिवारसह स्विमिंग पूलवर वाढदिवस साजरा करण्याचा जबरदस्त ट्रेंड आहे. सोशल मीडियावर असाच एक व्हिडीओ नेटकऱ्यांचे लक्ष वेधून घेत आहे.

सोशल मीडियावर वाढदिवस सेलिब्रेशनचा व्हिडीओ सध्या तुफान व्हायरल होत आहे. यामध्ये एक मुलगा वाढदिवसानिमित्त केक कापताना दिसत आहे. आनंदी वातावरणात या मुलाने हातात केक घेतला आहे. केक कापणार तेवढ्यात हातात हा केक फुटतो आहे. मुलाच्या हातात केकचा स्फोट होतो. हा मुलगा पूर्णत: घाबरून जातो. त्याच्या डोळ्यांमध्येही हा केक उडाला आहे.

व्हिडिओमध्ये ज्याक्षणी हा मुलगा केक हातात घरतो तेव्हा एक स्फोट होतो आणि केक सर्वत्र उडतो. हा मुलगा देखील प्रचंड घाबरतो. इकडे तिकडे जातो आणि थेट स्विमिंग पूलमध्येच उडी घेतो. सोशल मीडियावर या धक्कादायक क्षणाचा तेवढाच मजेशीर व्हिडीओ व्हायरल झाला आहे.

ही घटना वाढदिवसादिवशीच या मुलासोबत विनोदमय घडली आहे. हा कोणताही अपघात नाही नसून मित्र त्यांची व्हिडीओ रेकॉर्डिंग करताना हसताना दिसत आहेत. यामुळेच मित्रांनी मजेदार वाढदिवस म्हणून नियोजित आखणी करत हे केलं असल्याचं समजत आहे.