Shocking Viral Video: सध्या सोशल मीडियावर एक धक्कादायक व्हिडिओ जोरदार व्हायरल होत आहे. या व्हिडिओमध्ये एका वडिलांनी आपल्या पोटच्या मुलावर अत्यंत अमानुषपणे हात उगारण्याचा प्रकार समोर आला आहे. ही घटना पाहिल्यावर प्रत्येक प्रेक्षकाच्या मनात एकच प्रश्न उभा राहतो "हे वडील आहेत की राक्षस?".

या व्हायरल(Video) होत असलेल्या व्हिडिओमध्ये दिसतं की, एका घरात एक चिमुकला शांत खेळत असतो अचानक त्याच्या वडिलांचा राग अनावर होतो आणि ते मुलाला जोरात ढकलून जमिनीवर आपटतात. इतक्यावरच न थांबता ते त्याचे केस ओढतात, अंगावर हात उगारतात आणि अक्षरश: अमानवीपणे त्याला मारहाण करतात. हा सगळा प्रकार घरातच कुणीतरी मोबाईलवर शूट केलेला दिसतो.

ही धक्कादायक घटना नेमकी कुठली आहे आणि कधीची आहे ते अद्याप समजले नाही. पण हा व्हिडिओ सध्या इन्स्टाग्राम या सोशल मीडिया प्लॅटफॉर्मवरील top_villan_01 या अकाउंटवर अपलोड करण्यात आलेली आहे. फक्त इन्स्टाग्रामच नाही तर फेसबूक, एक्स (ट्वीटर) असा अनेक माध्यमांवरही हा व्हिडिओ शेअर करण्यात येत आहे.

हा व्हिडिओ(Video) सोशल मीडियावर पोस्ट होताच नेटिझन्सनी प्रचंड संताप व्यक्त केला आहे. ''अरे बाप म्हणून चुकलास'' अशी कमेंट करणाऱ्यांची संख्या प्रचंड आहे तर काही यूजर्संनी म्हटलं,''पोलिसांनी चांगलेच फटके दिले पाहिजे'' शिवाय काहींनी ''या व्यक्तीवर तात्काळ कायदेशीर कारवाई व्हावी'' अशी मागणी केली आहे.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.