तरुणाईमध्ये असलेले बुलेट प्रेम काही वेगळे सांगायची गरज नाही. रॉयल लूक अन् आवाजामुळे तरुणाईमध्ये या गाडीची प्रचंड क्रेझ आहे. अशातच पुण्यामधून एक धक्कादायक व्हिडिओ समोर आला असून नव्या कोऱ्या बुलेटला आग लागून मालकाच्या डोळ्यादेखत गाडी जळून खाक झाल्याची घटना घडली आहे. या थरारक घटनेचा व्हिडिओ सध्या सोशल मीडियावर व्हायरल होत आहे.
सध्या राज्यभरात उन्हाचा पारा चांगलाच वाढला आहे. वाढत्या उन्हाचा परिणाम इलेक्ट्रिक स्कुटी किंवा बाईकवर होत असून अनेक ठिकाणी धावत्या गाड्यांनी पेट घेतल्याच्या घटना समोर येत आहेत. मात्र पुण्यामध्ये भरचौकात एका बुलेटने अचानक पेट घेतल्याचा प्रकार घडला. या घटनेचा व्हिडिओही सोशल मीडियावर व्हायरल होत आहे.
व्हायरल होत असलेला व्हिडिओ (Viral Video) हा पुण्यातील (Pune News) केशवनगरमधील असल्याचे सांगण्यात येत आहे. नव्या कोऱ्या बुलेटने पेट घेतल्यामुळे रस्त्यावरील वाहन चालकांनीही आश्चर्य व्यक्त केले जात आहे. हा व्हिडिओ व्हायरल झाल्यानंतर नेटकऱ्यांनी त्यावर जोरदार प्रतिक्रिया दिल्या आहेत.
या व्हायरल होत असलेल्या व्हिडिओमध्ये तुम्ही पाहू शकता की, बुलेटने पेट घेऊन गाडीची टाकी फुटल्या दिसत आहे. गाडीने पेट घेतल्यानंतर बुलेटचा मालक अन् काही लोक टँकरने पाणी मारुन आग विझवण्याचा प्रयत्न करत आहेत. गाडीने नेमका पेट कशामुळे घेतला याचे कारण समोर आले नाही. मात्र या घटनेवर प्रतिक्रिया देताना नेटकऱ्यांनी वाहन चालकांना काळजी घेण्याचे आवाहन केले आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.