Viral Video Of making Ram Mandir By parle G Biscuits:

येत्या २२ जानेवारीला अयोद्धेत राम मंदिराचे उद्घाटन होणार आहे. राममंदिराच्या उद्घाटन सोहळ्यानिमित्त संपूर्ण देशभरात उत्साहाचे वातावरण आहे. त्यासाठी अनेक भाविक उपवास, व्रत करत आहेत. मात्र, एका भाविकाने चक्क बिस्किटाचे चक्क हुबेहुब राम मंदिर साकारले आहे. याचा व्हिडिओ सोशल मीडियावर व्हायरल होत आहे. (Latest Viral News In Marathi)

राम मंदिराच्या उद्घाटनाची अयोद्धेत जय्यत तयारी सुरु आहे. त्यासाठी देशभरातून भाविक अयोद्धेत दाखल होताना दिसत आहे. त्यासाठी वेगवेगळ्या शहरातील भाविक रोज पूजा करताना दिसत आहे. एका भाविकाने चक्क २० किलो पार्ले जी बिस्कीटांचे राम मंदिर साकारले आहे.

व्हायरल व्हिडिओत एक व्यक्ती पार्ले जी बिस्किटचे राममंदिर साकारताना दिसत आहे. त्या व्यक्तीने बिस्किटांना वेगवेगळे आकार देत राममंदिर उभारले आहे. गमच्या साहाय्याने ही बिस्किटे चिटकवलेली आहेत. हे राम मंदिर साकारतानाचा व्हिडिओ सोशल मीडियावर व्हायरल होत आहे. व्हिडिओच्या शेवटी राम मंदिर पूर्ण झाल्याचे दिसत आहे. हे राममंदिर खूपच सुंदर दिसत आहे.

durgapur_times या इन्स्टाग्राम अकाउंटवरुन हा व्हिडिओ शेअर करण्यात आला आहे. या व्हिडिओवर लाईक्स आणि कमेंट्सचा वर्षाव होत आहे. राम मंदिर बनवणाऱ्या व्यक्तीचे खूप कौतुक केले आहे. कमेंटमध्ये युजर्संनी भगवान रामाचा जयघोष केला आहे.