Pakistan Floods Video: पाकिस्तानमध्ये गेल्या काही दिवसांपासून सुरू असलेल्या मुसळधार पावसामुळे जनजीवन विस्कळीत झालं आहे. बऱ्याच नद्या, नाले आणि ओढ्यांना मोठा पूर आला असून, घरं, रस्ते, आणि वाहतूक पूर्णपणे ठप्प झाली आहे. या पार्श्वभूमीवर सध्या सोशल मीडियावर एक धक्कादायक व्हिडिओ व्हायरल झाला आहे.

या व्हायरल होत असलेल्या व्हिडिओमध्ये पाकिस्तानचा(Pakistani) एक पत्रकार थेट छातीपर्यंत भरलेल्या पाण्यात उभा राहून रिपोर्टिंग करताना दिसतो. तो आपल्या प्रेक्षकांसाठी प्रत्यक्ष पूरस्थितीचं चित्र उभं करण्याचा प्रयत्न करत आहे. त्याचा उत्साह, धाडस आणि वृत्तासाठी असलेली निष्ठा पाहून अनेकांनी त्याचं कौतुक केलं आहे.

रिपोर्टिंग करताना जीवावर बेतू शकतं!

या पत्रकाराचं नाव अद्याप समोर आलं नसलं तरी तो ज्या पद्धतीने पाण्यात उतरून रिपोर्टिंग करतो आहे, त्याने पत्रकारितेतील धाडसाचं एक वेगळंच उदाहरण समोर ठेवलं आहे. छातीपर्यंत भरलेलं गढूळ आणि वेगाने वाहणारं पाणी, इथं कोणत्याही क्षणी मोठा अपघात होऊ शकतो. पण तरीही तो परिस्थितीचं तंतोतंत चित्र दाखवतो आहे.

सोशल मीडियावर पत्रकाराची वाहवा

या पत्रकाराचा व्हिडिओ(Video) सोशल मीडियावर तुफान व्हायरल झाला आहे असून तो व्हिडिओ युट्यूवरील saamtv या अकाउंटवर अपलोड करण्यात आलेला आहे. हा व्हिडिओ पाहिल्यानंतर अनेक युजर्सनी त्याच्या कार्यक्षमतेचं कौतुक केलं आहे तर काहींनी लिहिलं की, "धाडसी पत्रकार म्हणजे हेच'' तर अशा अनेक प्रतिक्रिया आलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.