भाजप खासदार कंगना रनौतला मारहाण केल्याचा हा व्हिडिओ असल्याचा दावा करण्यात आलाय...गाडीतून उतरताच काही महिलांनी मारहाण करत असल्याचं या व्हिडिओत दिसतंय.पण, व्हिडिओत दिसत असलेली खरंच कंगना आहे का?

...Gen Z ला गटारछाप बोलल्याने कंगनाला मारहाण केल्याचा हा व्हिडिओ असल्याचा दावा केल्याने प्रचंड व्हायरल होतोय.गाडीतून उतरताच जमावाने हल्ला केल्याचा व्हिडिओ शेअर केला जातोय...जेन जींवर विधान केल्याने कंगनावर हल्ला केल्याचा दावा करण्यात आलाय...पण, खरंच कंगनाला मारहाण झालीय का? हा व्हिडिओ कुठला आहे...? कधीचा आहे...? हा व्हिडिओ आम्ही नीट पाहिला...मास्क लावलेली महिला ही कंगनाच आहे का...? याची आम्ही पडताळणी केली.त्यावेळी आमच्या पडताळणीत काय सत्य समोर आलं पाहुयात.

व्हायरल सत्य/साम इन्व्हिस्टिगेशन

खासदार कंगना रनौतला मारहाण झालेली नाही

व्हायरल व्हिडिओतील महिला कंगना नाही

मारहाण झालेली महिला तृणमूल काँग्रेसच्या प्रणयिता दास

30 जुलैला दास यांना पोलीस स्टेशन बाहेर मारहाण झाली

व्हायरल व्हिडिओवर पश्चिम बंगालमधील 'JDN News' या वृत्तवाहिनीचा लोगो आहे...हा व्हिडिओ 30 जुलैला त्यांच्या फेसबुक पेजवर अपलोड करण्यात आल्याचं आढळलं...व्हिडिओमधील महिला प्रणयिता दास आहेत... तृणमूल काँग्रेसचे नेते कृष्ण दास यांची ती मुलगी आहे...बंगाल विधानसभा निवडणुकीनंतर झालेल्या हिंसाचाराशी संबंधित एका प्रकरणात प्रणयिता दास पोलीस स्टेशनला गेल्या होत्या...त्यावेळी भाजप कार्यकर्त्यांनी त्यांच्यावर अंडी फेकली आणि निदर्शने केली...कंगना रणौतच्या वादग्रस्त विधानानंतर त्यांच्यावर हल्ला झाल्याचं कुठेही आढळलं नाही...त्यामुळे आमच्या पडताळणीत कंगना रणौतला मारहाण झाल्याचा दावा असत्य ठरलाय