Viral Stunt Video Delhi:

सोशल मीडियावर चर्चेत येण्यासाठी अनेक तरुण- तरुणी नको ते जीवघेणे स्टंट करत असतात. ज्यामुळे अनेकदा मोठ्या दुर्घटनाही घडतात. सध्या अशाच एका भयंकर स्टंटबाजीचा व्हिडिओ सोशल मीडियावर तुफान व्हायरल होत आहे. या व्हिडिओमध्ये काही तरुणांनी भरधाव एसयुव्ही कारवर जीवघेणी स्टंटबाजी केल्याचे दिसत आहे.

सोशल मीडियावर (Social Media) सध्या एका एसयुव्ही गाडीचा धक्कादायक व्हिडिओ व्हायरल होत आहे. या व्हायरल व्हिडिओमध्ये चालक गाडीचे दार उघडे ठेऊन धोकादायकरित्या पळवताना दिसत आहे. गाडीचा दरवाजा उघडा ठेऊन, मोठमोठ्याने गाणी म्हणत तो ही गाडी पळवत आहे. धक्कादायक म्हणजे या गाडीवर पोलिसांचा दिवाही दिसत आहे. सोशल मीडियावर हा व्हिडिओ व्हायरल झाल्यानंतर त्यावर पोलिसांनी मोठी कारवाई केली आहे.

बेदरकारपणे गाडी चालवणे आणि धोकादायक स्टंट केल्याप्रकरणी दिल्ली पोलिसांनी ही एसयूव्ही जप्त केली आहे. एसयूव्ही मालकाने नंबर प्लेट काढून गाडीची ओळख लपवण्याचा प्रयत्न केला. मात्र, तो पोलिसांच्या नजरेतून सुटू शकला नाही. एसयूव्ही जप्त केल्यानंतर पोलीस आता आरोपीला पकडण्यासाठी या प्रकरणाचा पुढील तपास करत आहेत.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान, @ANI या अधिकृत एक्स (ट्विटर) अकाउंटवरून हा व्हिडिओ शेअर करण्यात आला आहे. हा व्हिडिओ समोर आल्यानंतर नेटकऱ्यांनी त्यावर जोरदार प्रतिक्रिया दिल्या आहेत. अनेकांनी तरुणांना अशाप्रकारे जीव धोक्यात न घालण्याचा सल्ला दिला आहे. तसेच अनेकांनी या तरुणावर कडक कारवाई करण्याचीही मागणी केली आहे.  (Latest Marathi News)