राज्यात अनेक ठिकाणी मुसळधार पाऊस पडत आहे. मुसळधार पावसामुळे अनेक ठिकाणी नदी, नाल्यांना पुर आल्याच्या घटना घडल्या आहे. ओढ्यांना पूर आल्यामुळे अनेक गावांचा संपर्कदेखील तुटला आहे. लातूरमधील रेनापुर तालुक्यातील शिंदगाव आंदलगाव आणि पोहरेगाव या गावांना जोडणाऱ्या पुलावरुन पाणी गेले आहे. तरीही या पुलावरुन नागरिक प्रवास करताना दिसत आहे. नागरिकांच्या या जीवघेणा प्रवासाचे व्हिडिओ समोर आले आहेत.

लातूरमध्ये अनेक गावात रात्री मुसळधार पाऊस झाला आहे. त्यामुळे अनेक ठिकाणी नाले, ओढ्यांना पुर आले आहेत. शिंदगाव आणि पोहरेगावांना जोडणारा एक पुल पावसाच्या पाण्यात पूर्णपणे झाकला गेला आहे. पावसाचे पाणी पुलावरुन ओसंडून वाहत आहे. याच पावसातून अनेकजण जीवघेणा प्रवास करत आहे. दुचाकीस्वार या पाण्यातून जाताना दिसत आहे. त्यामुळे नागरिकांच्या जीवाला धोका निर्माण झाला आहे.

मिळालेल्या माहितीनुसार, या गावातील पुलाची उंची कमी आहे. त्यामुळे पावसाळ्यात पुलावरुन पाणी जाण्याच्या घटना नेहमी घडत असतात. अनेकदा नागरिकांना पुलाची उंची वाढवण्याची मागणीदेखील केली आहे. या नागरिकांचा जीवघेणा प्रवास कॅमेरात कैद केला आहे. या व्हिडिओत अनेक गावकरी पुलावरुन जाताना दिसत आहे. या व्हिडिओत संपूर्ण पूल पाण्यात गेलेला दिसत आहे. या पुलावरुन तर एक दुचाकीस्वार आपली बाईक घेऊन जाताना दिसत आहे. ही प्रवास त्यांच्या जीवावर बेतू शकतो.