Viral Video: सोशल मीडिया हे एक असं मध्यम आहे जिथे कायमच काही ना काही व्हायरल होत असतं. लोकल ट्रेनने प्रवास करताना त्याचे नियम पाळणे अत्यंत महत्त्वाचे असते, अन्यथा मोठे अपघात होतात. मुंबईची लाइफलाईन असलेल्या लोकल ट्रेनमध्ये कायमच गर्दी पाहायला मिळते. या गर्दीतून मार्ग काढत काही व्यक्ती जीवाची पर्वा न करता प्रवास करतात.(Latest Viral Video)

सध्या एका आईचा आपल्या बाळासोबतच्या जीवघेण्या प्रवासाचा व्हिडिओ जोरदार व्हायरल होत आहे. व्हिडिओपाहून तुमच्याही अंगावर शहारे उभे राहतील. व्हिडिओमध्ये दिसत आहे की, एक महिला ट्रेनच्या दोन डब्ब्यांमधील असलेल्या जॉइंन्डमध्ये बसली आहे. विशेष म्हणजे ही महिला एकटी नसून आपल्या काळजाचा तुकडा म्हणजेच बाळाला घेऊन असा भयंकर प्रवास करत आहे.

जॉइंडवर बसण्यासाठी पुरेशी जागाही नाही. तरी देखील महिला तेथे बसली आहे. या महिलेचा व्हिडिओ ट्रेनमध्ये बसलेल्या अन्य एक व्यक्तीने आपल्या फोनमध्ये कैद केला आहे. महिला अशा पद्धतीने प्रवास करताना थोडी जरी हालली असती तर तिचा आणि तिच्या बाळाचा रेल्वेच्या चाकांखाली चिरडून मृत्यू झाला असता.

व्हिडिओ (Video) पाहून नेटकऱ्यांनी यावर संताप व्यक्त केला आहे. महिलेला आपल्या बाळासह एका ठिकाणी जायचे होते मात्र तिच्याकडे पैसे नव्हते. टीसीने पकडल्यामुळे तिने पुन्हा प्रवास करण्यासाठी हा मार्ग निवडला अशी माहिती व्हिडिओ पोस्ट करणाऱ्या व्यक्तीने ट्वीटवरुन सांगितली आहे.

सदर व्हिडिओ @ZahidHA68 या ट्वीटर अकाउंटवर पोस्ट करण्यात आला आहे. हा व्हिडिओ बांगलादेशमधील असल्याचा काही व्यक्ती दावा करत आहेत.