Gold Jewelry Robbed: छत्रपती संभाजीनगरमधील पुंडलिकनगर परिसरात वृद्ध महिलेसोबत फसवणुकीची धक्कादायक घटना घडली आहे. एका चोरट्याने मुलाचा मित्र असल्याचे सांगून एका वृद्ध महिलेच्या अंगावरील ४ लाखाचे सोन्याचे दागिने चोरले. या घटनेचा संपूर्ण प्रकार परिसरातील सीसीटीव्ही कॅमेऱ्यात कैद झाला असून पोलिसांनी अज्ञात व्यक्तीविरोधात गुन्हा दाखल केलेला आहे. सध्या पोलिसांकडून चोरट्याचा शोध घेण्याचे काम सुरू असून नागरिकांनी सावध राहण्याचे आवाहन करण्यात आले आहे.

नेमके घडले तरी काय?

रस्त्यावर(Road) ऑटो वाट पाहणाऱ्या आजीला गोड बोलून मी तुमच्या मुलाचा मित्र असल्याचे सांगितले. आजीचा विश्वास संपादन करून तुमच्या मुलाचा चेक आला आहे तो चेक लॅप्स होईल. त्याचे वाईट परिणाम होतात. तुम्ही मला तुमचे सोन्याचे मंगलसूत्र व बांगड्या काढून द्या असे सांगितले.

चोराने त्यानंतर, मी मेडिकलमधून वजन करून पावती आणून देतो. अशी थाप मारली आणि वृद्ध महिलेचा विश्वास बसल्यानंतर त्यांनी सर्व दागिने काढून दिले. आणि चोरट्याने दागिने हाती लागतात त्या ठिकाणावरून धूम ठोकली.

हा सर्व प्रकार परिसरातील सीसीटीव्ही(cctv) कॅमेऱ्यात कैद झाला असून तब्बल ४ लाखांचे दागिने त्या चोरट्याने पळवले आहे. याप्रकरणी पुंडलिकनगर पोलीस ठाण्यात गुन्हा दाखल करण्यात आला आहे. हा व्हिडिओ सध्या इन्स्टाग्रामवरील saamtvnews या अकाउंटवर अपलोड करण्यात आलेला आहे.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.