तुम्ही दोन मिनिटात झटपट बनणारी मॅगी खात असाल तर सावधान! हे दोन मिनिटे तुमच्या जिवासाठी घातक ठरू शकतात. त्याचं कारण म्हणजे इस्टंट फूडमध्ये आढळणाऱ्या अळीचे प्रकरणे.गेल्या काही दिवसांपासून इस्टंट फूडमध्ये अळ्या आढळल्याचं प्रकरणे समोर आली होती, आता परत एकदा मॅंगीमध्ये अळ्या आढळून आल्या आहेत. दुकानातून आणलेल्या मंगीमध्ये अळ्या सापडल्याची घटना मध्य प्रदेशातील जबलपूरमध्ये घडलीय.

जबलपूरमधील एका ग्राहकाने एका किराणा दुकानातून विकत घेतलेल्या मॅगी नूडल्समध्ये जिवंत किडे आढळले असा दावा या ग्राहकाने केलाय. नूडल्सची पॅकेजिंग तारीख मे २०२४ होती आणि एक्सपायरी तारीख जानेवारी २०२५ होती. मॅगीमध्ये किडे आढळल्यानंतर ग्राहकाने राष्ट्रीय ग्राहक मंचाकडे तक्रार दाखल केलीय. नूडल्स पाण्यात टाकल्यावर अळ्या पाण्यावर तरंगू लागले. याचा एक व्हिडिओही समोर आला आहे. माहितीनुसार, कटंगी परिसरात राहणाऱ्या अंकित सेंगरने तीन दिवसांपूर्वी पारस पतंजली स्टोअरमधून मॅगी नूडल्स खरेदी केले होते. ही मॅगी पाण्यात टाकल्यावर किडे तरंगू लागले.