Indigo Flight Cocroaches Found In Food Area Video Viral:

इंडिगोच्या विमानाचा एक व्हिडिओ सध्या सोशल मीडियावर प्रचंड व्हायरल होत आहे. इंडिगोच्या एका विमाच्या फूड एरियात झुरळ दिसले आहेत. त्यामुळे प्रवाशांमध्ये चिंतेचे वातावरण पसरले होते.

इंडिगोच्या विमानात जेवणाच्या विभागात झुरळांचा वावर दिसून आला. यामुळे प्रवाशांना मिळणारे खाद्यपदार्थ हे चांगले आहेत की नाही असा प्रश्न आता उपस्थित केला जात आहे. एका प्रवाशाने एअर इंडिगोच्या विमानातील व्हिडिओ सोशल मीडियावर शेअर केला आहे. (Latest News)

व्हायरल व्हिडिओत इंडिगोच्या फूड एरियामध्ये अनेक झुरळे वावरत असल्याचे दिसत आहे. त्यामुळे तिथे खूप अस्वच्छता असल्याचे दिसत आहे. व्हिडिओवर विमानाच्या फूड एरियात आणि इतर ठिकाणी झुरळांचा वावर पाहायला मिळाला. हे खूप जास्त भयंकर आहे. याची चौकशी होईल अशी अशा आहे, असे कॅप्शन दिले आहे.

Tarun Shukla या एक्स अकाउंटवरुन हा व्हिडिओ शेअर करण्यात आला आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव केला आहे. अनेकांनी प्रवाशांच्या आरोग्याविषयी चिंता व्यक्त केली आहे.

या पोस्टमध्ये इंडिगोने उत्तरदेखील दिले आहे. इंडिगोने म्हटले आहे की, आम्हाला या व्हिडिओबद्दल माहिती आहे. आमच्या विमानातील एक कोपर हा खूप घाणेरडा दिसत आहे. आमच्या कर्मचाऱ्यांनी यावर कारवाई केली आहे. या फ्लाइटचे निर्जंतुकीकरण करण्यात आले आहे. आम्ही विमानात स्वच्छतेचा खबरदारी घेतो. प्रवाशांना होणाऱ्या गैरसोयीबद्दल आम्ही माफी मागत आहोत.