Sonyachi Tikli:

प्रत्येक स्त्रीला दागिने घालून मिरवायला फार आवडते. हातातल्या बांगड्या, पायात पैजण, कानातले, नाकात नथ, गळ्यात हार असे सर्वच सोन्याचे दागिने आपल्याकडे असावेत असं प्रत्येक महिलेला वाटतं. या सर्व दागिन्यांसह स्त्रीच्या चेहऱ्याची सोभा वाढवणारा आणि सौभाग्याचं लेन समजलं जाणारं कुंकू म्हणजेच टिकली देखील महिला आवडीने वापरतात.

सोन्याचे (Gold) विविध दागिने तुम्ही आतापर्यंत पाहिले आतील. मात्र भाळी लावली जाणारी सोन्याची टिकली तुम्ही कधी पाहिलीये का? नक्कीच अशी टिकली फार कुणाला माहिती नसेल. मात्र आता बाजारात स्त्रीची शोभा वाढवणारी टिकली देखील आली आहे. सोशल मीडियावर एका तरुणीचा व्हिडिओ व्हायरल होतोय. या व्हिडीओमध्ये ती आपल्या कपाळाला सोन्याची टिकली लावते आहे.

सोन्याची ही टिकली चंद्रकोर आकाराची आहे. या चंद्रकोरला खालच्या बाजूने घुंगरू आहेत. चंद्रकोरला आतल्या बाजूने गम लावून सोन्याची टिकली कपाळाला चीटकवली आहे. हा व्हिडिओ पोस्ट करत सोन्याचा झुमका, सोन्याची नथ ऐकलं होतं पण सोन्याची टिकली सुद्धा येते ... असं या पोस्टवर लिहिलं आहे. सोशल मीडियावर हा व्हिडीओ तुफान व्हायरल होतोय.

@rv_makeover या इंस्टाग्राम अकाऊंटवर हा व्हिडीओ (Video) पोस्ट करण्यात आला आहे. तुम्ही कितीही सोन्याची टिकली लावा पण कुंकवाची बरोबरी कशालाच नाही, ही टिकली कुठे पडली टिकली तर heart attack यायचा, पण टिकली ही लाल च छान दिसते, अशा अनेक कमेंट या व्हिडीओवर आल्या आहेत. तर काहींनी आपला सोन्या पण तेवढाच गुणाचा हवा सोन्याची टिकली लावायला, अशी हस्यास्पद कमेंट देखील केली आहे. आतापर्यंत या व्हिडीओला ८० हजारांहून अधिक लाईक्स मिळालेत.