Paragliding Viral Video:

आजच्या तरुणाईमध्ये अॅडवेंचरचे क्रेझ दिसून येतेय. अनेक तरुण तरुणी आयुष्यात एकदा तरी पॅराशूट राईडींगचा आनंद घेतात. पॅराशूट राईडींग करण्यासाठी मोठी हिम्मत असणेही गरजेचे आहे. अॅडवेंचरमध्ये भलेभले पॅराशूट राईडींगपासून दूर पळतता. मात्र एका ८० वर्षांच्या आजींनी तरुणांना लाजवेल अशी करामत केलीये. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आजी बाईंचा एक व्हिडीओ सोशल मीडियावर जोरदार व्हायरल होत आहे. या व्हिडीओमध्ये ८० वर्षीय आजींनी साडी नेसून पॅराशूट राईडींग केलीये. पॅराशूट राईडींग करताना त्यांच्या चेहऱ्यावर कसलीही भीती दिसत नाहीये. अगदी बिनधास्त आणि आनंदाने त्यांनी ही गगनभरारी घेतली आहे.

@Indian Girls Travel 🇮🇳 (IGT) या इंस्टाग्राम अकाउंटवर हा व्हिडीओ पोस्ट करण्यात आला आहे. २९ ऑक्टोबर रोजी या अकाउंटवर आजींचा व्हिडीओ पोस्ट करण्यात आलाय. व्हिडीओत दिसणाऱ्या आजी आता आपल्यात नाहीत. त्यांना जाऊन ७ वर्षांचा काळ लोटला आहे. अशी माहिती व्हिडीओच्या कॅप्शनमध्ये लिहिली आहे.

आजी जेव्हा ८० वर्षांच्या होत्या तेव्हाही त्या फार उत्साही होत्या. आपल्या आयुष्यात काहीतरी नवीन आणि आव्हानात्मक करण्याचा त्या प्रयत्न करायच्या. त्यांच्या मुलीने हा व्हिडीओ पोस्ट करत आईची आठवण सर्वांसोबत शेअर केली आहे.

आतापर्यंत सोशल मीडियावर पॅराशूट राईडचे बरेच व्हिडीओ व्हायरल झालेत. मात्र वृद्ध आजीबाई साडीनेसून पॅराशूट राईड करतायत हे पाहून नेटकरीही चकीत झालेत. आजी आज आपल्यात नसल्या तरी त्यांच्या आठवणींचा हा व्हिडीओ जोरदार व्हायरल होत आहे.