लाडकींना आता केंद्र सरकारही मदत करणाराय....कारण, लाडकींसाठी आता केंद्र सरकार मोफत वॉशिंग मशीन देणार असल्याचा दावा करण्यात आलाय...तसा मेसेज प्रचंड व्हायरल होतोय...या मेसेज सोबत एक लिंकही देण्यात आलीय...त्यामुळे लाडक्या बहिणींमध्ये संभ्रम निर्माण झालाय...खरंच सरकार वॉशिंग मशीन मोफत देतंय का...? असे प्रश्न उपस्थित होतायत...हा प्रश्न महिलांचा असल्याने याची खरी माहिती सांगणं गरजेचं आहे...त्याआधी मेसेजमध्ये काय दावा केलाय पाहुयात...

केंद्र सरकार महिलांसाठी फ्री वाशिंग मशीन 2025 अशी योजना आणणार आहे. या योजनेतून सरकार महिलांना वाशिंग मशीन वाटणाराय.

हा मेसेज व्हायरल होत असल्याने आमच्या टीमने याची सत्यता जाणून घेण्याचा प्रयत्न केला...ही योजना सरकारी असल्याचा दावा केल्याने आमच्या टीमने सरकारने अशी योजना आणलीय का...? तसंच ही योजना असेल तर कोणत्या महिला पात्र असतील...? याची माहिती मिळवली...त्यावेळी काय सत्य समोर आलं पाहुयात...

फ्री वॉशिंग मशीन' अशी सरकारची योजना नाही

लाडकींसाठी फक्त महाराष्ट्र सरकारचीच योजना

1500 रुपयांशिवाय लाडकींसाठी इतर योजना नाही

'फ्री वॉशिंग मशीन'चा दावा दिशाभूल करणारा

सध्या सरकार नवनवीन योजनांची घोषणा करतंय...कधी लाडका भाऊ, तर कधी लाडका शेतकरी...अशा योजना सुरूच असतात...मात्र, राज्यात लाडकी बहीण ही योजना चर्चेत आहे...सरकार महिलांना घरबसल्या 1500 रुपये देतं...त्यामुळे सरकार महिलांना वॉशिंग मशीनही देऊ शकतं, असं अनेकांना वाटू लागलंय...मात्र, ही योजना नसून, महिलांची दिशाभूल करण्यासाठी हा मेसेज व्हायरल करण्यात आलाय...त्यामुळे आमच्या पडताळणीत सरकार मोफत वॉशिंग मशीन देणार हा दावा असत्य ठरलाय.