Viral health news fact check : व्हायरल सत्य-असत्यमध्ये आपलं स्वागत...आम्ही व्हायरल होत असलेल्या मेसेजची पडताळणी करतो आणि त्याची सत्यता समोर आणतो...आता दावा करण्यात आलाय की एका व्यक्तीने रसगुल्ला खाल्ल्याने त्याला पॅरालिसिस झाला...पण, खरंच रसगुल्ला खाल्ल्याने पॅरालिसिस येऊ शकतो का...? याची आम्ही पडताळणी केली...त्यावेळी काय सत्य समोर आलं चला पाहुयात...

तुम्ही रसगुल्ला आवडीने खात तर सावध व्हा...कारण, रसगुल्ला खाल्ल्याने एका व्यक्तीला पॅरालिसिस झालाय...अचानक सर्व अवयव काम करणं बंद झाले...पण, खरंच रसगुल्ला खाल्ल्याने या व्यक्तीला पॅरालिसिस आलाय का...? रसगुल्ला अनेकजण आवडीने खातात...पण, खरंच रसगुल्ल्यामुळेच त्या व्यक्तीला पॅरालिसिस झालाय का...? याची आम्ही पडताळणी सुरू केली...त्याआधी मेसेजमध्ये काय दावा केलाय पाहुयात...

व्हायरल मेसेज

हैदराबादमधील एका व्यक्तीला रसगुल्ला खाणं महागात पडलंय. रसगुल्ला खाल्ल्याने पॅरालिसिस झाला.35 वर्षीय व्यक्तीने 6 रसगुल्ले खाल्ले.त्यानंतर त्या व्यक्तीच्या शरीरातील काही अवयव काम करणं बंद झाले.

हा मेसेज व्हायरल होत असल्याने आम्ही याची पडताळणी सुरू केली...याबाबत आम्ही अधिक माहिती मिळवली असता एका व्यक्तीला रसगुल्ला खाल्ल्यानंतर पॅरालिसिस आल्याची माहिती मिळाली...पण, खरंच असं होऊ शकतं का...? कारण, लहानग्यांपासून ते जेष्ठांपर्यंत सगळेच रसगुल्ला खातात...त्यामुळे आमच्या टीमने तज्ज्ञांकडून याबाबत अधिक माहिती मिळवली...

त्यामुळे आमच्या पडताळणीत काय सत्य समोर आलं पाहुयात...

व्हायरल सत्य - साम इन्व्हिस्टिगेशन

रसगुल्ला खाल्ल्याने अर्धांगवायूचा झटका येत नाही

रसगुल्ला अति प्रमाणात खाल्ल्याने आरोग्यावर परिणाम होतो

रक्तातील साखरेची पातळी वाढते, इन्सुलीन तयार होतं

तब्येतीच्या कारणास्तव एखाद्या व्यक्तीला त्रास होऊ शकतो

रसगुल्ला हा गोड पदार्थ आहे...त्यामुळे अति प्रमाणात खाल्ल्याने शरीरावर परिणाम होऊ शकतो...पण, रसगुल्ला खाल्ल्याने पॅरालिसिस होतो हा दावा असत्य ठरलाय...तरीदेखील तुम्ही आवडीने रसगुल्ला खात असाल आणि तुम्हाला आधीच काही आजार असेल तर तज्ज्ञांचा सल्ला घ्या...

सचिन जाधव, साम टीव्ही पुणे