Alibag News: दहीहांडी म्हटलं की प्रत्येक गोविंदामध्ये उत्साह संचारतो. गोविंदांची पथके महिनाभरापासूनच तयारीला लागतात. या सहासी खेळात रस्त्यांवर उंच उंच मनोरे पाहायला मिळतात. रस्तावर ही दहीहंडी फोडताना गोविंदांना मोठी मेहनत घ्यावी लागते. अनेकदा १० ते १२ थर रचूनही हंडी फुटत नाही. अशात जर विहिरीत एखादी दहीहंडी बांधली तर? (Latest Gopalkala Viral Video)

विहिरीवर उभेराहून हंडी फोडतानाचा थरारक व्हिडीओ सोशल मीडियावर व्हायरल झाला आहे. कोकणातील एका गावात तब्ब्ल ४० फूट खोल विहिरीत दहीहंडी बांधण्यात आली आहे. ४० फूट खोल विहीर पाहताच अनेकांचे डोळे गरगरू लागतात. अशात व्हायरल व्हिडीओत गावातील सर्व गोविंदा पथक विहिरीवर दहीहंडी फोडण्यासाठी जमले आहेत.

होसाळीकरांनी त्यांच्या ट्वीटर अकाउंटवर गेल्या वर्षी हा व्हिडीओ पोस्ट केला होता. गोपाळकालाला आता अवघे काही दिवस बाकी आहेत. त्यामुळे हा व्हिडीओ पुन्हा एकदा चर्चेत आला आहे. हा व्हिडीओ अलिबागच्या कुर्डुस देऊळआळीमधील आहे. या गावात विहिरीत दहीहंडी फोडण्याची परंपरा आहे.

या गावात डबकी आणि माळीण नावाच्या दोन विहिरी आहेत. येथील गोविंदा विहिरीच्या काठावर उभे राहतात एवढ्याश्या जागेत ते एकमेकांच्या खांद्यावर उभे राहून विहिरीत झेप घेतात आणि हंडी फोडतात. यावेळी गावातील सर्व मंडळी हा सहासी खेळ पाहण्यासाठी जमा होतात. दहीहंडीचा